Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 10

Павел араласы эсь покодеманц

1Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.2Эняльдян, самстон афоль сав тейне улемс стама аф пеликс и казямкс, кодамкс мон эрян сятнень мархта, конат корхтайхть колганк, бта минь тиенттяма масторлангонь ломаттнень лаца.3Хуш минь и эрятама тя масторлангса, но аф тя масторлангонь ломаттнень лаца тюрьхтяма.4Тюрембяльхне, конатнень вельде минь вяттяма тюрема, аф масторлангоннет, но Шкайть эздот, и синь эсост Шкаень вийсь, кона машты срафтомс-калафтомс инь кемоть-калгодть. Синь вельдест минь срафнесаськ-калафнесаськ ёнень арьсефкснень5и эрь кодама прянь няематнень, конат аф нолнесазь ломаттнень содамс Шкайть. Минь сявсаськ полонц эрь арьсемать и тиендьсаськ сонь Христости кулхцондыкс.6И мзярда тинь кулхцондоманте пяшкоди педа-пес, эста минь карматама анокт наказамс эрь кодама аф кулхцондомать.

7Эрьда ванода сянь лангс, мезе тинь сельминголент! Кда кие кемоста арьси: сон Христосонне, эста тейнза эряви содамс: миньге сонь лацонза Христосоннетяма.8Кда мон аф ламода шнафтан пря азорксшиньконь мархта, тянкса тейне прокс аф визькс. Вдь тя азорксшить тейнек максозе Азорсь тинь касфтомантень-кемокстамантень инкса, а аф срафтомантень.9Катк кивок аф арьси монь колган, бта монь мялезе эвфтемс тинь эсь сёрманень эса.10Конат-конат корхтайхть: «Сонь сёрманза казяпт и виихть. А мзярда сашенды сонць, няеви тяшкава лафчста! И корхтамацка аф кодама!»11Катк тяфтама ломаттне содасазь: кодаптама минь сёрмасонк, эздонт ширеса улезь, тяфтапт ульхтяма тевсонга, мзярда сатама тинь ширезонт!

12Минь аш отькорьшиньке лувомс эсь пряньконь сятнень лаца, конат шнасазь эсь пряснон, али путнемс эсь пряньконь синь мархтост ряцок. Вай, конашкава синь ёньфтомот! Синь ункснесазь пряснон эсь ункстамасост и аньцек эсь мархтост латцесазь пряснон.13А минь аф шнатама пря путф ункстамада вельф. Минь шнасаськ пряньконь аньцек ся тевса-покодемаса, конань максозе тейнек Шкайсь: тоза сувси минь покодеманьке тинь аймаксонтка.14Лисенди, тинь ширесонт минь аф ётнесаськ тейнек путф ункстамать. Тя вдь минь васенцекс саме тейнть Христость колга Пара кулять мархта.15Минь аф шнатама пря ункстамада вельф, сяс мес минь шнатама пря эсь покодеманьконь мархта, а аф лиятнень покодемаснон мархта. Но минь надиятама: тинь кемаманте кармай касома и тянь вельде кармай келемома минь покодеманьке тинь ётксонт.16И эста минь мольхтяма лия вастова Пара кулянь азондома, сяда ичкози, тинь аймаконтень фталу, и аф карматама прянь шнама лиятнень тифснон мархта тейст максф вастова.17Кода азф Сёрматфксса:
«Прянь шнафтысь шназа пря Азорть мархта».

18Вдь тевса цебярькс лувф аф ся, кие шнасы эсь прянц, а ся, кинь шнасы Азорсь.


*а 10:17 Иеремия 9:24


предыдущая глава Глава 10 следующая глава