Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ВАСЕНЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 9

Апостолонь азорксшись

1Кали мон аф воляшисан? Кали мон аф апостолан? Кали мон ашине няе Иисус Христос Азороньконь? Кали аф мон эсь покодемазень вельде вятедязь тинь Азорти?2Кда лиятненди мон аф апостолан, тейнть ни видекс апостолан. Вдь апостолкс улемазень тяштьксоц – тя тинь, тинь эряфонте Азорса.

3Вов мезе мон азан эсь прянь араламанкса сятненди, кит судендайхть эсон.4Кали минь аш азорксшиньке ярхцамс и симомс?5Кали минь аш воляшиньке сявондемс мархтонк рьваньконь, лиякс мярьгомс, кемай сазороньконь, кода тиендихть лия апостолхне и Азорть брадонза, Кифавок?6Али аньцек тейне и Варнаванди эряви эсь кядьсонк покодезь трямс пря?7Кодама ушман тюри и сонць трясы эсь прянц? Кали муви стама, кие озафни виноград, а сонць иможденза аф ярхцай? Кие ваны стада, а лофцтонза аф ярхцай?

8Дяряй тянь колга корхтамста, мон корхтан аньцек кода ломань? Дяряй аф тяконь колга корхтай койське?9Вдь Моисеень койсонза сёрматф: «Тяк панне тяляй букать кургонц». Кали букатнень инкса пичеди Шкайсь?10Кали Сон тянь азозе аф минь инксонк? Тя вдь минь инксонк сёрматф: «Сокайти эряви сокамс, тяляйти – тялямс надиязь, кочкаф сёроста тейнза максови пялькс».11Минь видеме тинь ётксонт ваймопожфонь видьмот. Арьсетяда тя вельф лама, кда ёратама кядьстонт сявомс эстейнек эряманди лезкс?12Кда лиятнень ули азорксшисна мезевок сявомс кядьстонт, эста минь азорксшиньке кали аф сяда оцю? Но минь тя азорксшиньконь аф нолясаськ тевс, меколанкт, минь семботь кирдьсаськ, аньцек мезьсовок аф шорямс Христость колга Пара кулять пачфтеманцты.

13Кали аф содасасть, Шкаень кудса покоди озксвятихне тряйхть пря Шкаень кудть эзда и сят, кит покодихть алтарть ваксса, сявондихть эстейст пялькс алтарть лангс путфть эзда?14Азорське тяфта ладязе: сят, кит кандсазь Пара кулять, тянь эзда и трясазь пряснон.15Аньцек мон тянь ашине ноля тевс, и тянинге сёрмадан прокс аф тянь вешеманкса. Мон мянь анокан куломс, но киндиге аф сявови эздон тя монь шнамань туфталозе!16Кда мон кандса Пара кулять, тейне аш мезьса шнамс пря, сяс мес тя монь тевозе. Шкайсь кошардомань тиемс сонь! Ризф тейне, кда мон аф карман Пара кулянь азондома.17Кда мон тянь тиендьса эсь мялезень коряс, эста тянкса тейне пандови питне. Но кда тянь тиендьса аф эсь мялезень коряс, эста мон покодян ся тевса, конань максозь тейне.18Эста мезьста ащи тейне питнень пандомась? Вчёк ва мезьста: мон азондса Пара кулять питнефтома и аф ноляса тевс азорксшить, кона максф тейне, кода Пара кулянь пачфтиенди.

19Хуш мон воляшисан и киндиге аф урян, мон тиевонь сембонди урекс – Христости сяда лама ломанень вятеманкса.20Еврейхненди мон улень кода еврей, Христости еврейхнень вятеманкса; коень пяшкотькшни ломаттненди мон улень кода коень пяшкотькшни, Христости коень пяшкотькшнихнень вятеманкса;21лия ломаньтналонь ломаттненди, конат аф содасазь койть, улень кода коень аф содай, – хуш монць эрян Шкаень койть коряс и пря максонь Христость коенцты, – коень аф содайхнень Христости вятеманкса.22Лафчненди мон арань лафчекс, Христости лафчнень вятеманкса. Сембонди мон арсень сембокс, аньцек коданга идемс ёткстост мзярошкать.23Семботь тянь тиендьса Пара кулять пачфтеманкса и эстейненьге сонь бславаманц сявоманкса.

24Тинь содасасть, ласькомань пялькстомаса ласькихть сембе, но казне максови аньцек фкяти. Ласькода стане, сатоль казнесь тейнть.25Эрь пялькстайсь лама вий путни сяськомас анокламати. Синь тиендьсазь тянь казненкса – каштазонкса, кона пужи и наксады. А минь ёратама сатомс мзярдонга аф пужи каштазть.26Сяс мон ласькан аф сянь лаца, кона аф няйсы петь; и тюрян мокшендаса аф шавоста кожфть эрьхнеманкса.27Мон кемокстаса ронгозень, катк сон кулхцондсы монь мялезень: афоль лисе стане, пачфтемок Кулять лиятненди, монць улян ёрдаф шири.


предыдущая глава Глава 9 следующая глава