Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ВАСЕНЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 8

Аф афкуксонь шкайхненди озксказнекс кантф сивольть колга

1Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.2Кда кивок арьси, бта сон мезе-бди содай, ся нинге аф содай стане, кода тейнза эряволь содамс.3Но кда кие кельгсы Шкайть, сянди максовсь содамоши Шкайть эзда.

4Эрь вов, сянь колга, мярьгондеви-аф ярхцамс сивольда, конань каннесазь озксказнекс аф афкуксонь шкайхненди. Минь содасаськ, аф афкуксонь шкайсь – тя мезевок аш, и аш лия Шкай, фкя-тяка Шкайда башка.5Кда и улихть лия шкайхть масторлангса али менельса: вдь лама тяфтамда, кинь лемнесазь шкайкс и азоркс,6но тейнек ули аньцек фкя Шкай – Аляньке, кона семботь тиезе и конань инкса минь эрятама; Азордонга фкя – Иисус Христоссь, кинь вельде сембось тиф и кинь вельде минь эрятама.

7Но аф сембонь ули тяфтама содамошисна. Конат-конат сяшкава тонадсть аф афкуксонь шкайхненди, нльне тянемс сивольда ярхцамста арьсихть – тя сивольсь лемтьф шкайхненди. Тянкса синь лафча ваймовайгяльсна тиендеви аф арукс.8Ярхцамбяльсь аф вятьсамазь минь Шкайти. Минь мезевок аф саттама, кда ярхцатама, и мезевок аф юмафттама, кда аф ярхцатама.9Ванода, аньцек афоль ара тяфтама воляшинте пупордама кевкс лафчненди.10Вдь кда кивок ня лафчнень эзда няйхтянза тонь, содамоши мархтоть, шра ваксса аф афкуксонь шкайхнень озкскудса, дяряй сонь аф эвондай мялец ярхцамс озксказнекс максф сивольда?11Вов тяфта, тонь содамошицень эзда юмай лафча кемай ялгаце, конань инкса кулось Христос.12Эсь кемай ялгатнень каршес пежень тиемста и лафча ваймовайгяльснон сялгомста-пялемста, тон тият пеже Христость каршес.

13Сяс, кда ярхцамбяльсь арси туфталкс кемай ялгазень пежес праманцты, мон мзярдонга аф карман ярхцама сивольда, тяза пра пежес инксон монь кемай ялгазе.


предыдущая глава Глава 8 следующая глава