Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПЁТОРОНЬ ВАСЕНЦЕ СЁРМАЦ

Глава 2

1Сяс, кадость эрь кодама кяжть, васькафнемать, шамафксонь каннемать, сельмонь каямать и эрь кодама кяжи корхтафтомать.2Потяй иднятнень лаца вешендеда ярхцамс ару, ваймопожфонь лофцта, лиякс мярьгомс, Шкаень валда, конань вийса тинь кастада и пачкоттяда идемати.3Вдь тинь варжасть-няесть, конашкава пара Шкайсь.

Уледа кода эряй кефт

4Сада Тейнза. Сон эряфонь максы кев, конань ломаттне ёрдазь, но конань Шкайсь кочказе и лувозе питникс.5Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.6Сёрматфксса азф:
«Вага, Мон Сионца путса кочкаф и питнидонга питни кевть,
кудужень кирди кевть.
И ся, кие кемай Тейнза,
мзярдонга аф прай визькс шамас».

7Тейнть, кемайхненди, тя кевсь – питнидонга питни, а сятненди, кит аф кемайхть, «тя кев, конань ёрдазь кудонь путыхне, но кона арась кудужень кирди кевкс; кев, конань ланга ломаттне пупоряйхть и прашендыхть».8Синь пупоряйхть сяс, мес аф кулхцондсазь Шкайть валонц. Тяфта тейст инголькиге ладяфоль.9Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.10Инголи тинь уледе аф ломаньтналкс, а тяни тинь араде Шкаень ломаньтналкс. Инголи Сон ашезе эвондакшне тейнть Эсь кельгозь ужяльдеманц, а тяни максозе сонь тейнть.

Христосонь ломанти вешфксне

11Кельгома ялгат, эняльдян тейнть, кода нюрьхкяня пингонди лия масторста сафненди, тяда вятнев ронгть визькс мялензон-арьсеманзон мельге, конат молихть ваймонтень каршек.12Шкаень аф содайхнень ёткса эряда цебярь тевонь тиендезь. Эста сятка, конат сялдыхть эсонт, кода кальдяв тевонь тиихнень, няемок тинь пара тевонтень, шнасазь Шкайть ся шиста, мзярда Сон эвондасы тейст Эсь прянц.

13Азорть инкса уледа кулхцондыкс масторлангонь сембе оцюнятненди: оцязорти, сяс мес сон сембонь лангса азор,14тяконь лаца лия оцюнятнендиге, конатнень сон кучезень наказамс кальдяв тевонь тиихнень и шнамс цебярь тевонь тиихнень.15Шкайть мялец тяфтама: тинь, пара тевонь тиендезь, лоткафтолесть аф шарьхкоди ломаттнень ёньфтома корхтамаснон.16Эряда воляшиса, аньцек тяза уле тя воляшись тейнть кальдяв тевонь кяшема вастокс, а меколанкт, эряда кода Шкайть покодиенза.17Сембе ломаттнень лувость питникс Шкайть сельмоса, кельгость кемай ялгантень, пеледа Шкайда, оцязорть путнесть пара лувксс.

Уледа кулхцондыкс азоронтенди

18Покодихть, уледа кулхцондыкс эсь азоронтенди, сембоса путнемок синь пара лувксс. Уледа кулхцондыкс аф аньцек сятненди, конат пара и ляпе седихть, но сятнендиге, конат кяжихть.19Вдь Шкайть мялезонза, кда кивок, улемок кулхцондыкс Шкайти, кирди маятамат, хуш мезевок кальдяв афи тись.20Мезенкса тинь шнамс, кда тинь кирттяда пикссемат кальдяв тевонкса? А кда тинь кирттяда лама маятама пара тевонь тиеманкса, тя тушенды Шкайть мяльс.21Тинь тянди уледе тертьфт, сяс мес Христосовок минь инксонк маятась, и тянь эса няфтсь тейнек кепотькс: миньге молелеме Сонь мельганза.22
«Сон ашезь тие кодамовок пеже,
и Сонь кургстонза ашезь лисе фкявок васькафнемань вал».

23Мзярда Сонь сялдозь, Сон фкявок сялды вал ашезь аза каршек; мзярда маятась, Сон ашезень эвфне синь, но максозе Эсь прянц Шкайти, виде Судьяти.24Сон Сонць Эсь ронгсонза кеподезень минь пеженьконь крёз лангс вов мезенкса: кадомок пеженьконь, эрялеме видексшить коряс. Сонь сярятьфксонзон-аржензон вельде тинь уледе пчкафтфт.25Мзярда-бди тинь уледе кода эрьготьф учат, но тяни мрдаде эсь Ваныентенди, ваймонтень Ванфтыснонды.


*а 2:6 Исаия 28:16

*б 2:7 Псалтирь 117:22; Исаия 8:14

*в 2:22 Исаия 53:9


предыдущая глава Глава 2 следующая глава