Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ

Глава 8

1-13 У сугыньын Архиерейже.

1Мемнан ойлымаштына тӱҥжӧ тиде: пылпомышто Чаплылыкын престолжын пурла могырышкыжо шичше Архиерейна уло.2Тудо святой верыште, чын скинийыште, служитла. Тиде скинийым айдеме огыл, а Господь шогалтен.3Кеч-могай архиерей пӧлекым да надырым пуаш шогалтыме лиеш, сандене мемнан Архиерейынат надырлан мом кондышашыже лийшаш.4Тудо мланде ӱмбалне лиеш ыле гын, иерейжат ок лий ыле, вет пӧлекым закон почеш кондышо иерей-влак Тудын деч поснат улыт.5Но нунын служитлымышт пылпомышсын сынже да ӱмылжӧ веле. Скинийым чоҥаш тӱҥалмыж годым Моисейлан каласыме улмаш: «Ончо, чылажымат курыкышто тыланет ончыктымо гайымак ыште».6Мемнан Архиерейна – сайрак сӧрымашеш негызлалтше, шуко пачаш сайрак сугыньын ходатайже, тидын дене келшышын, Тудын налме служитлыме пашажат утларак чапле.

7Икымше сугынь ситыдымаш деч посна лиеш ыле гын, тугеже вес сугыньым кычалаш кӱлешыже уке ыле.8Но Юмо шке калыкшым шылтален ойла:
«Теве кече-влак толыт, каласа Господь,
Израиль тукым да Иуда тукым дене у сугыньым ыштем,
9тугай сугыньым огыл, могайым Мый ачашт дене
нуным Египет мланде гыч лукташ
кидыштым кучымем ыштенам.
Вет нуно Мыйын тудо сугынем шуктен огытыл,
сандене нунын деч кораҥынам, ойла Господь.
10Теве нине кече-влак деч вара
Израиль тукым дене ыштышаш сугынем, ойла Господь:
Шкемын законем нунын ушышкышт пыштем
да тудым шӱмешышт возем,
Мый нунын Юмышт лиям,
а нуно Мыйын калыкем лийыт.
11Тунам шке лишылжым да иза-шольыжым,
”Господьым пале” манын, нигӧ ок туныкто,
вет изижат-кугужат
чылан Мыйым палаш тӱҥалыт.
12Мый нунын чын огылыштым кудалтем,
языкыштым да закондымылыкыштым ынде ом шарналте».

13У сугынь нерген ойлымыж годым Юмо икымше сугыньын тоштеммыжым ончыктен, а тоштемше да шӱкшемше – пытымаш деке лишыл.


*а 8:5 Исх 25:40.

*б 8:8-12 Иер 31:31-34.

предыдущая глава Глава 8 следующая глава