Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ

Глава 6

13-20 Юмын пеҥгыде сӧрымыжӧ.

1-2Сандене, Христосын шомакшын тӱҥалтыш шинчымашыжым лончылымым чарнен, тичмаш шинчымашыш шуаш тыршышаш улына. Колымашке наҥгайыше паша деч кораҥме да Юмылан ӱшаныме, тынеш пуртымаш-влак, айдеме ӱмбаке кидым пыштыме йӱлам эртарыме, колышо-влак ылыжме да курымашлык суд нерген туныктымылан угычын негызым пыштышаш огынал.3Юмо эрыкым пуа гын, кушкаш тыршена.4-6Вет икана волгыдыш шушым, пылпомыш пӧлекын тамжым пален налшым, Святой Шӱлыш дене ушнен шогышым, Юмын поро шомакшым да шушаш саманын куатшым пален налшым, а вара кораҥшым, угычын языкым касарыктен, Юмо деке савыраш ок лий. Тыгай еҥ шке шӱмыштыжӧ Юмын Эргым пудален сака да Тудым вурса.7Мланде шке ӱмбакше чӱчкыдын велше йӱрым шупшеш да куштышылан пайдале кушкылым шочыкта гын, тудо Юмо деч суапландарымашым налеш.8Но мланде иман вондер ден коршаҥгым шочыкта гын, тудо – йӧрдымӧ, тудым каргымаш вуча, мучашыже – йӱлалтымаш.9Йӧратымына-влак, тыге ойлена гынат, илыш корныда сайрак да утаралтыда манын, ме ӱшанена.10Юмо чын огыл ок лий: святой-влаклан пашам ыштымыда годым ондакат, кызытат ыштыме пашадам да Тудым йӧратен тыршымыдам Тудо ок мондо.11Но тендан кокла гыч кажныже, ӱшанен вучымо шукталтмылан пеҥгыдын инанен, мучаш марте тыгаяк тыршымашым ончыктыжо манын, мемнан ужмына шуэш.12Йолагайыш ида савырне, а ӱшаныме да кужун чытыме дене Юмын сӧрымыжым налше-влак гай лийза.

13Юмо деч кугу нигӧ уке, сандене Авраамлан сӧрымашым пуымыж годым Шкеж деч кугуракын лӱмжӧ дене товатлен кертын огыл, а шке Лӱмжӧ дене товатлен14ойлен: «Чынжымак, тыйым суапландаренак суапландарем да шукемденак тукыметым шукемдем».15Тыгеракын, чытен вучымыж дене Авраам сӧрымым налын.16Еҥ-влак шке дечышт кугурак дене товатлат. Товатлымаш ойлымым пеҥгыдемда да кеч-могай торешланымылан мучашым пышта.17Сандене Юмат, Шкенжын эрыкше вашталтдыме улмым сӧрымын наследникше-влаклан чылт раш ончыкташ манын, тудым товатлен пеҥгыдемден.18Нине вашталтдыме кок шомак гоч – тыште Юмо шойыштын кертын огыл – ме, Тудын пелен аралалтмашым мушо-влак, ӱшанен вучымым кучаш чот кумылаҥына.19Тиде ӱшанен вучымаш чонлан якыр гай, ӱшанле да пеҥгыде, тудыжо пӱрдыш вес могырыш шумеш пура.20Тушко Иисус, Мелхиседекын иерей радамже дене курымашлык Архиерей лиймекше, ончыч кайыше семын мемнан верч пурен.


*а 6:14 Быт 22:17.

*б 6:17 Эрык – воля, желание.

предыдущая глава Глава 6 следующая глава