Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ

Глава 5

11– 6:12 Ӱшанымаш деч ида кораҥ.

1Еҥ-влак кокла гыч ойырен налме кеч-могай архиерейым еҥ-влак верч Юмын ончылно служитлаш шогалтыме, тудыжо пӧлекым да язык верч надырым пуышаш.2Тудо нимом палыдыме да йоҥылышым ыштылше-влакым чаманен кертеш, вет тудымат вийдымылык темда,3сандене тудо калыкын языкше верч пуымо семын шкенжын языкше верчат надырым пуышаш.4Архиерей лияш чапым нигӧ шкаланже шке ок нал, а Юмо тудым Аароным ӱжмӧ семын ӱжеш.

5Тыге Христосат архиерей чапыш Шкенжым Шке нӧлталын огыл, Тудлан тиде чапым Юмо пуэн да каласен:
«Тый Мыйын Эргым улат,
таче Мый Тыйым шочыктенам».
6Вес вере тыге ойла:
«Мелхиседекын иерей радамже дене
Тый курымашлык иерей улат».

7Кап дене илымыж годым Христос шке юмылтымыжым да кумалмыжым Тудым колымаш деч утарен Кертшылан, йӱкын кычкырен, шинчавӱд йӧре, надырлан конден, да мут колыштшо улмыжлан кӧра Тудын кумалмыжым колмо.8Тудо Эрге гынат, орланымыж гоч мутым колышташ тунемын,9а тичмашлыкыш шумекше, Тудын мутшым колыштшо кажне еҥлан курымашлык утарымашым кондышо лийын,10да Юмо Тудым Мелхиседекын иерей радамже дене Архиерейлан шогалтен.

11Тидын нерген мемнан ойлышашна шуко, но умылтараш неле, вет те колышт моштыдымо лийында.12Тиде жап марте те туныктышо лийшаш улыда ыле гынат, тендам Юмын шомакын тӱҥалтыш шинчымашыжлан угычын туныкташ кӱлеш, тыланда шӧр кӱлеш лийын, а пешкыде кочкыш огыл.13Кӧ але шӧрым кочкеш, чынлан тунем шуын огыл, вет тудо але аза.14Пешкыде кочкыш – кушкын шушо-влаклан. Эре тыршымышт дене нунын уш ден шижмашышт поро ден осалым ойырен мошташ туныктымо улыт.


*а 5:5 Пс 2:7.

*б 5:6 Пс 109:4.

предыдущая глава Глава 5 следующая глава