Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ

Глава 4

14– 5:10 Иисус – эн кугу Архиерей.

1Тыгеракын, Юмын ласкалыкышкыже пураш сӧрымаш эше уло гын, тендан кокла гыч нигӧ ӧрдыжеш ынже код манын, шекланышаш улына.2Вет нунылан каласкалыме семынак тиде сӧрымаш нерген куан уверым мыланнат каласкалыме. Но нуно колмо шомакыштым ӱшаныме дене шӱмышкышт пыштен огытыл, сандене тудо нунылан пайдам конден огыл.3Юмын ласкалыкышке ме, ӱшанаш тӱҥалше-влак, пурена. Юмо каласен:
«Шыдем дене товатленам:
нуно Мыйын ласкалыкышкем огыт пуро».
Кеч Тудын пашаже тӱням негызлыме годсекак шуктымо улмаш.4Вет Возымаште ала-кушто шымше кече нерген тыге каласыме: «Шымше кечын Юмо чыла шке пашаж деч канен».5А тиде верыште каласыме: «Мыйын ласкалыкышкем огыт пуро».6Тыгеракын, южыштым тушко пурымаш вуча, а кӧлан ожно куан уверым увертарыме, нуно тушко мут колыштдымыштлан кӧра шуын огытыл.7Сандене Юмо угычын «тачысе кече» манме кечым палемден. Ондак каласыме шомакым Тудо тынар кужу жап эртымеке Давид гоч ойлен:
«Тачысе кечын Тудын йӱкшым колыда гын,
шӱмдам ида пешкыдемде».
8Вет Иисус Навин нуным ласкалыкыш конда ыле гын, Юмо варарак вес кече нерген ок ойло ыле.9Тугеже, Юмын калыкшым шуматкече каныш вуча.10Кузе Юмо шке пашаж деч канен, тугак Юмын ласкалыкышкыже пурышат шке пашаж деч кана.11Тыгеракын, нигӧ нунын семын мут колыштдымашке ынже шуҥгалт манын, тиде ласкалыкыш пураш тыршышаш улына.

12Вет Юмын шомакше илыше да виян, тудо кок могыран кеч-могай керде дечат пӱсӧ. Шӱлыш ден чон, йыжыҥла ден вем шелалтмешке тудо керылт пура, шӱмын шонкалымыжым да кумылжым лончыла.13Тӱняште Юмо деч шылтыме нимо уке, Тудын шинча ончылныжо чылажат чара да койшо; Тудын ончылно ме мутым кучышаш улына.

14Пылпомыш вошт эртыше пеш кугу Архиерейна, Юмын Эрге Иисусна уло гын, тугеже почын ойлымо ӱшанымынам пеҥгыдын кучышаш улына.15Вет мемнан Архиерейна вийдымылыкнам чаманен кертеш: мемнан семынак Тудым чыла шотыштат тергыме, но языкдыме улмаш.16Тыгеракын, чаманымашым налаш да Юмын порылыкшым кӱлеш жапыште полышлан муаш манын, порылык престол деке лӱдде мийышаш улына.


*а 4:3 Пс 94:11.

*б 4:4 Быт 2:2.

*в 4:5 Пс 94:11.

*г 4:7 Пс 94:7-8

предыдущая глава Глава 4 следующая глава