Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ТИМОФЕЙЛАН КОЛТЫМО КОКЫМШО СЕРЫШЫЖЕ

Глава 4

9-18 Каҥаш ден йодмаш-влак. 19-22 Чеверласымаш.

1Кунам Христос шке чапше дене толеш да кугыжаланаш тӱҥалеш, Тудо илыше ден колышо-влакым судитла. Тидым ушышто кучен, Юмо да Господьна Иисус Христос ончылно тыланет пеҥгыдын кӱштем:2Юмын шомакым увертаре, келшыше жапыштат, келшыдыме жапыштат тудын верч пеҥгыдын шого, титакым чараш лук, йоҥылыш лийшым шылтале, чылам кумылаҥде. Чыла тидым кужун чытен да туныктен ыште.3Вет тугай жап толеш, кунам еҥ-влак яндар туныктымашым огыт чыте, а шке кумылыштлан келшыше, колышташ оҥай туныктышо-влакым шкаланышт ойырен налаш тӱҥалыт,4чыным колышташ огыл манын, пылышыштым петырат да шонен лукмо ойлыштмаш деке савырнат.5Но тый чыла шотыштат айык шонымашан лий, нелылыкым чыте, Поро Уверым шарыме пашам ыште, служитлыме пашатым шукто.

6Вет мыйым надырлан пуаш жап шуын, кайышаш шагатем лишемын.7Таҥасымаште мый чот тыршенам, кайышаш корнем мучашыш шуктенам, ӱшанымашым арален коденам.8А ынде чын ыштыме верч пуалтшаш вуйшӱдыш мыйым вуча, тудым мыланем Господь, чын Судья, тудо кечын пуа, да мыланем веле огыл, Тудын чап дене толмыжым йӧратен вучышылан чылалан пуа.

9Мый декем вашкерак толаш тырше.10Кызытсе курымым йӧратымыжлан кӧра Димас мыйым коден да Фессалоникыш каен. Крискент Галатийыш миен, Тит – Далматийыш. Лука гына мый денем кодын.11Маркым нал да шке денет пырля кондо, тудын полышыжо мыланем пешак кӱлеш.12А Тихикым мый Ефесыш колтенам.13Кунам толат, ӱмбал вургемым кондо, тудым мый Троадаште Карп дене коденам. Тыгак книга-влакым, поснак коваштеш возымо-влакым, кондо.14Апшат Александр мыланем шуко осалым ыштен. Господь тудлан пашаже семын тӱлыжӧ.15Тудын деч тыят шеклане, тудо мемнан ойлымына ваштареш чот шогалын.16Икымше гана шкемым арален ойлымем годым мыланем полшаш нигӧ толын огыл, чылан мыйым коденыт. Тек нунылан тиде титаклан ок шотлалт.17А Господь мыйым коден огыл, полшен. Мыйын гоч Юмын увержым шарыме шукталтше да чын Юмым палыдыме-влак тудым чылан колышт манын, Тудо мыйым пеҥгыдемден. Тыгеракын, мый левын умшаж гычын утаралтынам.18Господь мыйым чыла осал паша деч арала да Пылпомышсо Кугыжанышыжлан утара. Тудлан курым-курымешлан чап лийже! Аминь.

19Прискилла ден Акилалан, Онисифорлан да мӧҥгысыж-влаклан саламым каласе.20Ераст Коринфеш кодын, а Трофимым черле улмыжлан кӧра Милитеш коденам.21Теле марте толаш тырше. Еввул, Пуд, Лин, Клавдия да чыла иза-шольо тылат саламым колтат.22Тыйын шӱм-чон шӱлышет дене Господь Иисус Христос лийже. Тендан дене Юмын порылыкшо лийже. Аминь.


предыдущая глава Глава 4 следующая глава