Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ТИТЛАН КОЛТЫМО СЕРЫШЫЖЕ

Глава 1

1-4 Саламлымаш. 5-16 Титын Критыште ыштышаш пашаже.

1Мый Павел, Юмын тарзыже да Иисус Христосын Апостолжо, тыйым саламлем. Юмын ойырен налме еҥже-влаклан Христослан ӱшанаш да чыным пален налаш полшаш мыйым колтымо, тиде чынже Юмым пагален илымым шочыкта.2Тыге нуно курымашлык илышым ӱшанен вучен кертыт. Тудым Юмо тӱням ыштыме деч ончычак сӧрен, а Юмо мутшым ок вашталте.3Шке жапыштыже Тудо увертарен туныктымаш гоч шомакшым палдарен, а Юмын, мемнан Утарышынан, кӱштымыж почеш тиде пашам мылам ӱшанен пуымо.4Тит, икгай ӱшаныме дене тый шочмо эргым гай лийынат. Тылат Юмо Ача да мемнам Утарыше Господь Иисус Христос деч порылык, чаманымаш да тыныслык лийже!

5Ыштышаш сомылнам мучашыш шукташ да чыла олалаште пресвитер-влакым мыйын шӱдымӧ семын шогалташ манын, мый тыйым Критеш коденам.6Пресвитер-влак шылталаш лийдыме, икана гына ӱдырым налше лийшаш улыт. Йочашт-влак Юмылан ӱшанышт, шала койышыштлан да мутым колыштдымыштлан ынышт титаклалт.7Черкыште епископлан Юмын пашам ӱшаныме, сандене тудын нимогай титакше лийшаш огыл. Тудо торжа ынже лий, вашке шыдешкыше ынже лий, аракам йӱаш йӧратыше ынже лий, кредал коштшо ынже лий, шкаланже пайдам кычалше ынже лий,8а корныеҥ-влакым кумылын ончышо, порым йӧратыше, яндар уш-акылан, чын ыштыше, Юмым жаплыше да шкенжым кучен моштышо лийже.9Епископ туныктымаш дене келшыше чын шомакым пеҥгыдын кучышаш. Тунам тудо еҥ-влакым яндар туныктымаш дене кумылаҥден да ваштареш шогышо-влакын йоҥылыш шонымыштым ончыктен кертеш.

10Вет мут колыштдымо, кӱлдымашым ойлыштшо да ондалыше-влак шукын улыт, тыгайже пӱчман-влак коклаште поснак шуко.11Нунын умшаштым петыраш кӱлеш. Шкаланышт вожылдымын пайдам налаш манын, кӱлеш-оккӱлым туныктен, еш-влакын ӱшанымашыштымат пудыратылыт.12Нунын кокла гыч ала-кӧжӧ, шкеныштынак пророкышт, каласен:
«Эреак шояче,
Осал янлык,
Його опкын
Улыт критян-влак».
13Тудын таныклымыже чын. Садлан нуным пеҥгыдын шылтале, тек нуно яндар ӱшанымашым аралышт,14иудей-влакын шонен лукмо ойлыштмыштым да чын деч кораҥше еҥ-влакын кӱштымыштым шотыш ынышт нал.15Арулан чыла ару, а амыргыше ден ӱшаныдыме-влаклан нимо ару уке, нунын шонымыштат, совестьыштат амыргеныт.16Нуно Юмым палена маныт, но пашашт дене Юмым палыдымыштым ончыктат, йырнык да мут колыштдымо, нимогай порым ыштен моштыдымо улыт.


предыдущая глава Глава 1 следующая глава