Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ЛУКАН ВОЗЫМО СВЯТОЙ ЕВАНГЕЛИЙ

Глава 3

1-20 Тынеш Пуртышо Иоаннын увертарымыже. 21-22 Иисусым тынеш пуртымаш. 23-38 Иисусын тукымвожшо.

1Тиверий кесарь латвизымше ий кугыжаланыме годым, кунам Иудейым Понтий Пилат вуйлатен, Галилейын тетрархше Ирод лийын, тудын Филипп изаже – Итурейын да Трахонит кундемын тетрархышт, Лисаний – Авилинейын тетрархше2да Анна ден Каиафа архиерей лийыныт, ир мландыште Захарийын Иоанн эргыжлан Юмо деч шомак лийын.3Тудыжо Иордан эҥер кундемысе чыла вер мучко каен да языкыштым касарыкташлан, язык верч ӧкынен, тынеш пураш туныктен.4Исаия пророкын шомакшым возыман книгаште кузе каласыме, туге лийын:
«Ир мландыште кычкырышын йӱкшӧ шокта:
Господьлан корным ямдылыза,
Тудлан йолгорным вияшым ыштыза!
5Чыла корем темалтше,
а чоҥга ден курык иземышт,
корно савыртыш-влак вийнышт,
лакылан корно-влак тӧр лийышт –
6Юмын утарымашыжым чыла илыше ужеш».

7Тынеш пураш толшо еҥ-влаклан Иоанн ойлен: «Шем кишкын шочшыж-влак! Ончыкылык шыде логалме деч утлен куржаш кӧ тыланда каҥашым пуэн?8Языкым касарыктен, Юмо деке савырнымыланда келшен толшо саскам шочыктыза да ”Мемнан ачана – Авраам” манын, кӧргыштыда шонаш ида тӱҥал. Тыланда ойлем: Юмо теве нине кӱ-влак гычат Авраамлан икшыве-влакым ыштен кертеш.9Ынде пушеҥге вож воктене товарат ямде кия: сай саскам пуыдымо чыла пушеҥгым руат да тулыш шуат».

10«Мом ме ыштышаш улына?» – тудын деч калык йодыштын.11Иоанн вашештен: «Кӧн кок вургемже уло, тек иктыжым вургем укеанлан пуа. Кӧн кочкышыжо уло, тек тыгак ышта».12Йозак погышо-влакат тынеш пураш толыныт. Нуно тудын деч йодыныт: «Туныктышо, ме мом ыштышаш улына?»13Тудо вашештен: «Погаш палемдыме деч шуко ида йод».14Сарзе-влак тудын деч йодыныт: «А ме мом ыштышаш улына?» Тудо каласен: «Нигӧм ида шыгыремде, еҥ ӱмбаке вуйым ида ший, пашадарда дене серлагыза».

15Калык моткоч вучен, Иоанн нерген Христос огыл гын манын, чылан шӱмыштышт шонкаленыт.16Но Иоанн чылан ончылно каласен: «Мый тендам вӱд дене тынеш пуртем, но Весе толеш, Тудо мый дечем Виянрак. Мый Тудын йолчием кылжымат рудаш ом йӧрӧ. Тудо тендам Святой Шӱлыш да тул дене тынеш пурта.17Тудын кидыштыже кольмо, идымжым эрыкта да шыдаҥым клатышкыже пога, а арважым йӧрташ лийдыме тулеш йӱлалта».

18Калыкым тӱрлын туныктен, Иоанн Поро Уверым каласкален.19А Ирод тетрархлан тудын шке изажын Иродиада ватыж дене илыме шотышто да моло осал пашаже шотышто Иоанн шылтален ойленат,20Ирод тудым казаматыш петырен, осал пашашкыже тидымат ешарен.

21Уло калык тынеш пурымо годым Иисусат тынеш пурен, а кунам Тудо кумалын, пылпомыш почылтын.22Кӧгӧрченла койшо кап дене Тудын ӱмбаке Святой Шӱлыш волен. Пылпомыш гыч йӱк шоктен: «Тый Мыйын йӧратыме Эргым улат, Мыйын поро кумылем Тый денет!»

23Шке служитлымыжым тӱҥалмыж годым Иисуслан кумло ий наре лийын. Тудо Иосифын Эргыже манын шоненыт. Иосифын ачаже Илий лийын,24тудыжын – Матфат, Левий, Мелхий, Ианнай, Иосиф,25Маттафий, Амос, Наум, Еслим, Наггей,26Мааф, Маттафий, Семей, Иосиф, Иуда,27Иоаннан, Рисай, Зоровавель, Салафиил, Нирий,28Мелхий, Аддий, Косам, Елмодам, Ир,29Иосий, Елиезер, Иорим, Матфат, Левий,30Симеон, Иуда, Иосиф, Ионан, Елиаким,31Мелеай, Маинан, Маттафай, Нафан, Давид,32Иессей, Овид, Вооз, Салмон, Наассон,33Аминадав, Арам, Есром, Фарес, Иуда,34Иаков, Исаак, Авраам, Фарра, Нахор,35Серух, Рагав, Фалек, Евер, Сала,36Каинан, Арфаксад, Сим, Ной, Ламех,37Мафусал, Енох, Иаред, Малелеил, Каинан,38Енос, Сиф, Адам, Юмо.


а* 3:4-6 Ис 40:3-5.

предыдущая глава Глава 3 следующая глава