Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE JEVREILÖILE

Глава 5

1Joga ülimäine pappi vallitah rahvahien joukos da pannah rahvahas tuači tuomah Jumalale lahjoi da žertvoi heijän riähkien prosken'n'akse.2Moine pappi žiälöiččöü tiedämättömii da haironnuzii, gu ičegi on vähävägine,3i sendäh hänel pidäü tuvva žertvoi riähkis, kui rahvahas mugai omas ičes tuači.4I niken ei ota iče ičelleh tädä korgiedu sijua, a händü kuččuu sih sijah Jumal, kui kučui Aaronan.5Ei ni Hristos iče nostanuh iččie ülimäzen papin sijale, Händü ülendi Jumal, kudai sanoi Hänele:
- Sinä olet Minun Poigu,
tänäpäi Minä sain Sinuu.

6Toizes kohtas Häi sanou nenga:
- Sinä olet pappi ilmazen ijän,
moine kui Melhisedek.

7Mual eläjes Iisus suurel iänel da itkunke moliihes da kučui abuh Jumalua, kudamal oli valdu piästiä Händü surmas, i Hänen malittu kuultih, gu Häi heitüi Jumalale.8I hos Häi on Poigu, Hänel pidi muokkienke opastuo kuulemah sana.9Konzu Häi oli luadinuh kai, midä pidi, Häi rodih ilmanigäzen piäzendän tuojakse kaikile niilöile, kudamat kuunnellah Händü.10Hänes rodih Jumalan pandu ülimäine pappi, moine kui Melhisedek.

Älgiä heitäkkiä uskondua!

11Äijü olis meil täh niškoi sanottavua, no ei ole kebjei sellitellä teile nämii kohtii, gu tüö etto tahto ellendiä, midä teile sanotah.12Aigua müö teil jo pidäs olla opastajinnu, a teidü iččie müös pidäü opastua; teile pidäü opastua Jumalan sanua ihan alluspäi. Teidü pidäü süöttiä maijol, a ei koval süömizel.13Jogahine, ken eläü maijol, on gu pieni lapsi, häi ei tiijä, mi on oigei.14A kova süömine on vahnembih niškoi, niilöih niškoi, kudamile elaigu on andanuh mieldü eroittua hüvä pahas.


предыдущая глава Глава 5 следующая глава