Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE TIMOFEILE

Глава 3

Jälgiaijoin rahvas

1Sanon, gu tiedäzit: jälgipäivin tullah jügiet aijat.2Rahvas ruvetah suvaiččemah vai iččie da d'engua, roijah havizijat da hüväkse menijät, kirotah toine tostu, ei kuunnella vahnembii. Hüö ei musteta hüviä, ollah jumalattomat,3ei suvaija toine tostu, ei lauhtuta suuttuhuu, paistah toizis pahua, ei pietä iččie käzis, ollah gu zvierit, hüvän vihuajat,4menettäjät, huijuttomasti rohkiet, suurendelijat, suvaijah enämbäl elaijan hüvüzii, migu Jumalua,5ulgoči ollah buitegu jumalahizet, no ei uskota Jumalan vägeh. Ole päivilleh moizis.6Heih kuulutah net, kudamat tungietahes taloloih, suajah käzih kebjeimielizii, riähkih painunuzii naizii, kudamat ollah kaikenjüttümien himoloin vedeltävännü.7Nämä naizet ollah ainos valmehet opastumah, no nikonzu ei voija piästä perile toves.8Kui Jannii da Jamvrii oldih Moiseidu vastah, mugai net rahvas vastustetah praudua. Heijän mieli on rikkovunnuh, heijän usko ei päi nimih.9No hüö ei piästä loitos, heijän mielettömüshäi rubieu nägümäh kaikile, kui nägüi niilöin kahten mielettömüs.

Kehitändüsanat prosken'n'oikse

10Sinä tarkah novvit minuu - opastandois, elaijas, tahtolois, uskos, tirpandas, suvaičendas, keständäs,11painandois da muokis, moizis, mittumat tuldih minun piäle Antiohies, Ikonies da Listras. Mittumat muokat minä kestin! No kaikis niilöis piästi minuu Ižändü.12Dai kaikkii niilöi, ket tahtotah eliä jumalahizesti Hristosas Iisusas, ruvetah painamah.13Pahat rahvas da muanittelijat heitütäh vie pahembakse, üöksütetäh muidu da üöksütäh iče.14A sinä püzü sit, mih olet opastunnuh da mih uskot lujah. Tiijäthäi, kes olet sen opastunnuh.15Sinä jo pahas pienüössäh tunnet Pühät Kirjutukset, kudamat voijah andua sinule mieldü, i uskojen Hristossah Iisussah sinä suat piäzendän.16Kai pühät kirjutukset on Jumalan Hengespäi tulluot i ollah avunnu opastandas, n'evvondas, kohendamizes da kazvattamizes tozioigieh elaigah.17Nenga Jumalan ristikanzu roih kaikelleh valmis kaikkih hüvih ruadoloih.


предыдущая глава Глава 3 следующая глава