Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ENZIMÄINE KIRJAINE TIMOFEILE

Глава 2

N'evvondat uskojien kanzukunnan ühtehizih kerävündöih näh

1Kehitän teidü enne kaikkie pakiččemah, molimahes, panemah malittuu da passiboiččemahes Jumalale kaikkien rahvahien puoles,2suariloin da kaikkien vallanpidäjien puoles, gu voizimmo eliä hil'l'azeh da rauhuos, kaikes jumalahizesti da vagavasti.3Nengoine malittu on hüvä da mieldü müö Jumalale, meijän Piästäjäle,4kudai tahtou, gu kai rahvas piästäs kaikis pahuzis da tiijustettas tozi.5On vai üksi Jumal i üksi keskusmies Jumalan da ristikanzoin välis, ristikanzu Hristos Iisus,6kudai andoi oman hengen, gu piästiä välläle kaikkii rahvahii. Nenga Jumal ozutti: piäzendän aigu on tulluh.7Tämän viestin sanelijakse da apostolakse minuu on pandu. Pagizen tottu, en kielasta. Minuu on pandu Jumalua tundemattomien rahvahien opastajakse, opastamah, mi on usko da mi on tozi.

8Sendäh tahton: konzu kerävüttö ühteh, anna miehet molitahes, malitus nostetah käit puhtahal mielel, vihattah da riijattah.9Tahton sežo, gu naizet oldas putilleh šuorivunnuot, čomendettas iččie huigiedu varaten da mielenke, ei tukkien navedindal, ei kullal, ei žemčugoil, eigo kallehil sovil,10a hüvil ruadoloil, kui on kohtalleh naizile, kudamat mennäh jumalahizekse.11Naizel pidäü kuunnella opastandua vaikkani da kaikes heittüö nuorembakse.12A minä en anna naizele valdua opastua da pidiä valdua miehen piäl; hänel pidäü olla vaikkani.13Adamhäi oli luajittu enzimäi, a sit vaste Jeva.14I ei Adamua muanitettu, a muanitettih naistu, i häi kadoi riähkih.15No naine piäzöü lapsensuandal, gu püzünöü uskos da suvaičukses da elänöü hil'l'azeh Jumalale pühitettüü elaigua.


предыдущая глава Глава 2 следующая глава