Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE FESSALONIKALAZILE

Глава 3

Moliettokseh meijän puoles

1Sit viegi, vellet! Moliettokseh meijän puoles, gu Ižändän sana levies muadu müö teriämbi da piäzis muijalgi moizeh kunnivoh, mittumas se on teijän keskes.2Moliettokseh vie, gu piäzizimmö pahois da pädemättömis ristikanzois; eihäi kaikin uskota.3No Ižändü on surematoi avvuttai, i Häi lujendau teidü da vardoiččou pahas.4Ižändän täh müö uskommo, tüö nügöi da iellehgi ruatto, midä müö käskemmö.5Kiännäkkäh Ižändü teijän südämet Jumalan suvaičukseh da Hristosan tirpandah.

Vällillizii kehitetäh ruadoh

6Ižändän Iisusan Hristosan nimes müö käskemmö teile, vellet, püzüö eriže joga velles, kudai eläü vällillistü elaigua, eigo kuundele meispäi suaduloi opastandoi.7Tiijättö ičegi, kui teil pidäü ottua kuavua meis. Konzu olimmo teijän luo, emmo elänüh vällillistü elaigua.8Müö emmo sudre süönnüh nikenen leibiä, a ruavoimmo murrimmo, üöt dai päivät olimmo hommis, gu ei istuo teijän niškal.9A gu tottu sanuo, meil ollus sih valdu, no müö tahtoimmo omal elaijal ozuttua teile, kui pidäü eliä.10Jo sit, konzu olimmo teijän luo, müö annoimmo teile käskün: gu ken ei tahtone ruadua, älgäh ni süögäh.11Kačo gu müö kuulimmo, erähät teis eletäh vällillistü elaigua, ei ruata, a süvitähes vierahih dieloloih.12Moizile müö käskemmö da kehitämmö heidü Ižändän Iisusan Hristosan nimes alevumah da ičel suamah oma leibü.13No tüö, vellet, älgiä väzükkiä hüvän luadijes.14Gu ken ei kuunnelle sidä, midä müö täs kirjutimmo, piekkiä händü merkil, i olgua eriže hänes. Toinah, sit hänele rodieu huigei.15No üksikai älgiä piekkiä händü vihaniekannu, a kohendakkua händü gu vellie.

Prosken'n'at

16Iče rauhuon Ižändü annakkah teile rauhuon ainos da kaikkeh luaduh. Ižändü olgah kaikkien teijänke.

17Minä, Puavil, omal käil kirjutan teile täh tervehüöt. Tämä on minun merkinnü minun joga kirjazes. Nenga minä kirjutan.18Meijän Ižändän Iisusan Hristosan hüvüs olgah kaikkien teijänke.


предыдущая глава Глава 3 следующая глава