Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE FESSALONIKALAZILE

Глава 2

Vastustai, Antihristu

1Otammo nügöi paginoih Ižändän Iisusan Hristosan tulendan da sen, gu meidü kerätäh Hänen luo. Pokoroičemmokseh teile, vellet,2älgiä hedi menetäkkiä mielii, älgiä annakkua pöllättiä iččie sil, buite Hengi jiävii Ižändän päivän jo tulluokse, ni paginoil sih näh, ni buitegu meijän kirjutetul kirjazel, kudamas on se samaine viesti.3Älgiä annakkua nikelle nimih luaduh muanittua iččie. Se päivü ei tule, kuni rahvas ei hüllätä Jumalan uskuo da kuni ei jiävei Jumalan zakonoin vastustai*a, häviendäh lepittü.4Häi, vastustai, nostau iččie korgiembale kaikkie, midä sanotah jumalakse da midä palvotah, istuhes iče jumalankodih i panou iččie Jumalakse.5Mustatto, kui minä sanelin teile täh niškoi jo silloi, konzu olin teijän luo.6Tüö tiijättö, mi piettelöü händü, ei anna jiäviekseh, kuni ei tule hänen aigu.

7Viha Jumalan zakonoi vastah peitoči jo ruadau omua. Vai vältüü tiel se, mi vie piettelöü,8dai jiävihes se Jumalan zakonoin vihaniekku, kudaman Ižändü Iisus tappau oman suun hengähtüksel da hävittäü omal jiävindüvalgiel.9Jumalan zakonoin vihaniekan jiävindü on sattanan ruado. Se roih suuren väinke, tunnusruadoloin da kummienke, kudamat muanitetah.10Se kielastelii muanittau niilöi, kudamat ollah menemäs häviendäh, sendäh gu ei suvaittu tottu, kudai piästänüs heidü.11Sikse Jumal tüöndäü heijän piäle vägevän üöksütändän, anna hüö uskottas kielastukseh,12i nenga suajah suvvon kaikin net, kudamat ei uskottu tottu, a suvaittih viärüttü.

Kedä on vallittu piäzemäh

13No meil ainos pidäü kiittiä Jumalua teijän täh, vellet, kudamat oletto Ižändäle kallehet. Jumalhäi valličči teidü piäzemäh enzimäzennü, konzu Hengi luadiu teidü pühäkse, i konzu tüö uskotto praudah.14Sih niškoi Häi kučuigi teidü jevangelien kauti, kudaman müö toimmo, anna tüögi suazitto meijän Ižändän Iisusan Hristosan kunnivon.15Ga olgua sit lujannu, vellet, da ripukkua niilöis opastuksis, kudamat müö annoimmo teile suusanal libo kirjutimmo kirjazes.16Iče meijän Ižändü Iisus Hristos da Jumal, meijän Tuatto, kudai suvaičči meidü da omas hüvüös andoi meile ilmanigäzen urostuksen da lujan nad'oužan,17vagavutakkah teijän mielet da lujendakkah teidü kaikis hüvis ruadolois da paginois.


*a 2:3 Täs on pagin tiedämättömäs ristikanzas, kudamua vastah Hristos toruau jälgipäivännü. Kačo javot 8-9.

предыдущая глава Глава 2 следующая глава