Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ENZIMÄINE KIRJAINE FESSALONIKALAZILE

Глава 3

1Ga sit, ku emmo voinnuh enämbiä tirpua, kačoimmo hüväkse iče jiäjä Afiinah,2a teijän luo tüönnimmö Timofein, meijän vellen da Jumalan ruadovellen Hristosan jevangelien kuuloittajannu. Tüönnimmö händü lujendamah teidü da ližiämäh teile rohkevuttu uskos,3anna niken ei pöllästüs nämis ahtistuksis. Tiijättöhäi iče, niilöih meidü on pandu.4Konzu olimmo teijän luo, müö jo ennepäi sanoimmo, meil roih gor'ua. Mugai rodih, kui tüö tiijättö.5Ga sit, gu en voinnuh enämbiä tirpua, tüönnin Timofein tiijustamah teijän uskuo. Varain, näit, eigo muanittelii jo muanitannuh teidü, i eigo meijän vaivat mendü sudre.

6Nügöi Timofei tuli järilleh meijän luo da toi hüvät uudizet teijän uskoh näh da suvaičendah näh. Häi saneli, gu tüö ainos musteletto meidü hüväl, igävöičettökseh da tahtotto nähtä meidü, kui müögi teidü.7Vellet, nenga müö kaiken meijän vaivan da ahtistuksen keskel rodiimmokseh rohkiembat teijän periä da teijän uskon periä.8Nügöi piäzimmö elämäh, gu tüö püzüttö lujannu Ižändäs.9Kui voizimmo külläl kiittiä Jumalua teis tuači da kaikes sit hüväs mieles tuači, kudai meil on meijän Jumalan ies teijän periä?10Üöt dai päivät müö molimmokseh kaikel südämel, gu piäzizimmö nägemäh teidü da voizimmo andua teile sen, midä vajai on vie teijän usko.

11Iče Jumal, meijän Tuatto, da meijän Ižändü Iisus ohjattahes meijän matku teijän luo.12Ižändü ližäkkäh teile ainos vai enämbän suvaičustu toine toizeh da kaikkih rahvahih - muga kui liženöü meijän suvaičus teih -13i tälleh lujendakkah teijän südämet, gu oldas net pühät da vijattomat meijän Jumalan da Tuatan ies, konzu meijän Ižändü Iisus tulou kaikkien Hänen uskojienke.


предыдущая глава Глава 3 следующая глава