Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE GALATALAZILE

Глава 6

Kannakkua toine toizen takkoi

1Vellet, gu kedä tavatanneh riäh küruavol, sit teil, kedä Hengi vedäü, pidäü kohendua sidä riähkän ruadajua hüväzilleh. No kačo iččie, eiga sinägi puutut muanituksih.2Kannakkua toine toizen takkoi, sit täütättö Hristosan Zakonan.3Ku ken smiettinöü iččie miksetahto suurekse, a on animi, häi muanihes.4Anna jogahine hüvin kaččou vai omat ruavot. Sit häi voibi löühkiä vai omas ičes, verduamattah iččie toizih.5Jogahizelhäi pidäü kandua oma kandamine.

6Kelle Jumalan sanua opastetah, annakkah se omis elolois opastajale kaikkie hüviä.7Älgiä muanivukkua: Jumal ei anna nagrua iččie! Midä ristikanzu külväü, sidä i leikkuau.8Ken külväü siemenen oman riähkähizen tavan peldoh, se leikkuau sit surman. A ken külväü siemenen Hengen peldoh, se leikkuau sit ilmanigäzen eloksen.9Anna emmo väzü hüvänluajindas, i sit omal aijal voimmo kerätä uudizen, gu emmo jättäne ruaduo kesken.10Ainos, konzu vai voimmo, luajikkuammo hüviä kaikile, semmite uskovellile.

Jälgimäzet sanat

11Kačokkua, mittumil suuril kirjaimil minä kirjutan nügöi teile omal käil!12Net, kudamat tahtotah ozuttua iččie hüvännü, opitah vägeh ümbärileikkavuttua teidü. Hüö luajitah muga vai sikse, gu heidü ei painettas Hristosan ristan täh.13Eihäi ni ümbärileikatut iče nouta Zakonua, no tahtotah suaja teidü ümbärileikattuloikse, ku voidas sit löühkiä sil, midä teile on luajittu.14A minä kačo ni ijäs en tahto löühkiä nimil muul, vai meijän Ižändän Iisusan Hristosan ristal. Sen ristan täh muailmu on kuolluh minuh nähte, a minä muailmah nähte.15On üksikai, ongo ristikanzu ümbärileikattu vai ümbärileikkuamatoi. Kai on sit, gu händü on luajittu uvvekse.16Rauhuttu da armuo kaikile, ket pietäh tädä elaijan alustannu, da Jumalan Izrail'ale!

17Anna niken jälles tädä ei tuo minule huoldu, minulhäi on rungas Iisusan täh suavut kibienjället.18Ižändän Iisusan Hristosan hüvüs olgah teijän hengenke, vellet! Amin'!


предыдущая глава Глава 6 следующая глава