Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE GALATALAZILE

Глава 5

Ristitün vällüs

1Hristos piästi meidü välläle, nügöi müö olemmo vällät. Olgua sit lujannu, älgiä annakkua siduo iččie uvvessah orjan čieppilöih.2Kuunnelkua! Minä, Puavil, sanon teile: gu andanetto ümbärileikata iččie, sit Hristosas teile ei rodei nimidä hüviä.3Sanon vie kerran jogahizele, kudai ümbärileikkavuttau iččie: hänel pidäü täüttiä kai Zakon.4Tüö, kudamat opitto piästä oigiekse Zakonan täüttämizen kauti, leikkaitto iččie iäre Hristosas, eroitto Jumalan hüvüös.5No müö nad'eičemmokseh, gu Jumal piästäü meidü oigiekse. Müö vuotammo sidä Hengel, kudai on meis uskon kauti.6Gu ristikanzu elänöü Hristosas Iisusas, on üksikai, ongo häi ümbärileikattu vai ei. Ainavo, mi on tärgei, on usko, kudai nägüü suvaičendan kauti.7Tüö hüvin menittö edehpäi. Kenbo teidü azetti, gu tüö etto enämbiä kuundele toven sanoi?8Teidü ei lämmütännüh sih Jumal, kudai teidü kuččuu.9«N'äppine muijotestu muijottau kogo taiginan.»10Ižändäh uskojen minä pien varmuon, tüö etto rubie duumaiččemah toizin gu minä. No se, ken sevoitti teijän mielet, suau Jumalan suvvon, olgah häi kentahto.11No gu minä, vellet, iellehgi puolistazin ümbärileikkuandua, ga miksebo sit minuu painetah? Sithäi minun paginat ristah näh ei enämbiä satatettas nikedä.12A net teijän smuttijat salvatettahes iččie!

Hengi da riähkähine taba

13Teidü, vellet, on kučuttu elämäh välläl. No älgiä vällüön nimel piästäkkiä välläle omua riähkähistü tabua, a suvaijen avvutakkua toine tostu.14Kogo Zakon on täs ühtes käsküs: «Suvaiče lähimästü gu omua iččie.»15No gu tüö puretteletto da süöttö toine tostu, sit vardoikkuattokseh, gu etto hävittäs toine tostu kogonah.16Minä sanon: eläkkiä kui Hengi käsköü, i sit tüö etto täütä riähkähizen tavan himoloi.17Riähkähine taba tahtou tostu gu Hengi, Hengi - tostu gu riähkähine taba. Net ollah toine tostu vastah, i sikse tüö etto rua sidä, midä tahtotto.18No ku Hengi vedäü teidü, tüö etto ole Zakonan vallan al.

19Riähkähizen tavan ruavot ollah nägeväzet. Net ollah: karguandu, paganruavot, vällil veriälöil eländü,20kumardelendu valehjumaloile, tiedovoičendu, vihuandu, riijat, toizeh varuandu, tabavundu, iččehpäi viendü, erimielizüs da sen periä eruondu joukkoloih,21kadehtindu, humaloičendu, piruičendu da muut moizet. Sanon nügöi, kui sanoin jo ennegi: ket nengostu luajitah, net ei suaja kodivuittii Jumalan valdukunnas.22A Hengi kazvattau meis suvaičendua, iluo, rauhuttu, tirpandua, leppevüttü, hüvüttü, suremattomuttu,23pehmevüttü, ičen käzis pidämistü. Niilöi vastah ei ole Zakon.24Net, kudamat kuulutah Hristosale Iisusale, nuaglittih ristah oma riähkähine taba kaikkien sen tahtoloin da himoloinke.25Ku kerran müö elämmö Hengel, ga annakkuammo sit Hengele i vediä meidü.26Meile ei pie eččie ičele čestii, eigo pie tuskevuttua toine tostu da kadehtie toine tostu.


предыдущая глава Глава 5 следующая глава