Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE KORINFALAZILE

Глава 10

Puavil puolistau omua ruaduo

1Minä, Puavil, kudai teijän kes- kes olles, kuuluu, olen varačču, a muijal olles rohkei, kiännün teijän puoleh Hristosan hüvüön da lembevüön täh.2Pokoroičemmos, gu minul teijän luo tulduu ei pidäs olla moizennu rohkiennu, mittumannu tahton olla niilöinke, kudamat duumaijah, buite müö elämmö kui tämän muailman rahvas.3Hos müö elämmö rungas, ga emmo torua sen riähkähizen tavan mugah.4Meijän toravehkehinnü ei olla rahvahien vehkehet, meijän vehkehis on Jumalan annettu vägi kuadua linnanseinii. Müö kuammo ristikanzan duumat5da kuammo kai, mi julgieh nouzou vastustamah Jumalan tundemistu. Müö otammo kiini kai duumat, gu luadie net sanankuulijoikse Hristosale.6Gu vai tüö roittokseh kaikes sanankuulijat, müö kerras olemmo valmehet tazuamah kaikes kuulemattomuos.7Kačokkua tovele silmih! Gu ken pidänöü iččie Hristosan omannu, se mustakkah: kui häi on Hristosan oma, mugai müö olemmo Hristosan omat.8I hos minä vähäzel liigua löühkäzin sil vallal, kudaman Ižändü andoi meile gu lujendua, a ei murendua teidü, minule ei rodies huigei.

9Älgiä duumaikkua, buite minä vai pöllättelen teidü kirjazil.10Sanotahhäi erähät: «Da, hänen kirjazis on tabua da vägie, no iče häi rahvahan ies on avutoi, a paginat hänen ollah animittumat.»11Moizil pidäs ellendiä: midä müö sanommo kirjazis, konzu emmo ole teijän luo, sidä i ruammo, konzu olemmo sie.

12Müö emmo ruohti panna iččie ühteh riädüh niilöinke, emmogo ruohti verrata iččie niilöih, kudamat iče iččie kiitetäh. Hüö ollah mielettömät, gu miärätäh iččie ičel da verratah iččie iččeh.13A müö emmo rubie menemäh hüväkse piäliči miäräs, meijän miärü on se aloveh, kudaman miäräi meile Jumal, sie oletto tüögi.14Müö emmo vönüttäi piäliči annetus rajas. Ettogo tüö jo kuulu meijän aloveheh? Kuulutto! Müöhäi toimmo Hristosan jevangelien teih suate.15Vierahil ruadoloil müö emmo mene hüväkse omien rajoin tagan. Müö uskommo: gu kazvau teijän usko, sit kazvau i meijän sija teijän keskes.16Sit müö voimmo levittiä jevangeliedu vie loitomba teidü eläjile, löühkämättäh sil, midä muut luajittih omil alovehil.17Ken löühkäü, löühkäkkäh Ižändäs.18Surematoi ei ole se, kudai iče iččie kiittäü, a se, kudamua kiittäü Ižändü.


предыдущая глава Глава 10 следующая глава