Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE KORINFALAZILE

Глава 9

Jerusaliman uskojile kerätäh d'enguabuu

1Toven sanuo, minul ei ole hädiä kirjuttua teile, kui pidäü avvuttua jumalanuskojii.2Tiijänhäi, kui tüö tahtotto ruadua sidä. Kiitin teidü Makedonies olles, sanoin sie, kui Ahaijas*a jo mulloi oldih valmehet avvuttamah. Teijän rad'en'n'u nostatti äijii.3Nügöi tüönnän vellii matkah, gu minun kiitändü täs dielos ei ozuttazihes tühjäkse, a tüö olizitto valmehet, kui minä jo mainičin.4Eiga, gu tuldaneh sinne minunke makedonielazet da tavatanneh teidü ei valmehinnu, sit müö puutummo huigieh, gu nenga löühkimmö - a teis ni pagize en.5Sikse minä näin, pidäü pagizuttua vellii, gu hüö lähtiettäs iel meidü teijän luo da ielpäi valmistettas teijän uskaldetun lahjan, anna se olis valmehennu da olis omal himol annettu, a ei vägeh otettu.

6Mustakkua: ken külväü vähän, se vähän i leikkuau, ken külväü äijän, se äijän leikkuaugi.7Jogahine annakkah, min vačču käsköü, ei žiälöijen, ei vägeh, sikse gu Jumal suvaiččou hüväl mielel andajua.8Jumalal on vägie andua teile piäliči miäräs kaikkie hüviä, sit teil ainos da külläl on kaikkie, konzu midä pidäü, i sit tüögi voitto luadie piäliči miäräs kaikkie hüviä.9Onhäi kirjutettu:
- Häi jagau, Häi andelou köühile,
Hänen hüvüs kestäü ijän.

10Häi, kudai andau külväjäle siemenen da leivän süödäväkse, teilegi andau siemenet, kazvattau net da äijänkerdazesti suurendau teijän hüvien ruadoloin andimet.11Tüö suatto kaikenluadustu eluo, i sit ičegi voitto andua žiälöiččemättäh. Nenga meijän ruado tuou äijän passibuo Jumalale.12Tämä teijän abu ei vai hävitä jumalanuskojien hädiä, a nostattau suuren kiitän düallon Jumalale.13Konzu tüö täl ruavol ozutatto oman uskon, sit rahvas ruvetah kiittämäh Jumalua sendäh, gu tüö heitüttö Hristosan jevangeliele da juatto omua heile dai kaikile muile žiälöiččemättäh.14Hüö ruvetah molimahes teis tuači da heil roih igävü teidü sen piäličimiäräzen hüvüön täh, kudaman Jumal andoi teile.15Passibo Jumalale Hänen sanomattoman suures lahjas!


*a 9:2 Korinfan linnu oli sillozes Ahaijan muakunnas.

предыдущая глава Глава 9 следующая глава