Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE KORINFALAZILE

Глава 5

1Müö tiijämmö, hos meijän mual- line kodi, tämä stuanu, kuaduu, meil on taivahas Jumalan varustettu eloisija, ilmanigäine kodi, kudai ei ole luajittu rahvahien käzil.2Tiä olles müö ohkammo, gu äijäl tahtommo suaja taivahallizen kuoren.3Konzu müö šuorimmokseh sih, sit müö emmo jiä alasti.4Kuni müö olemmo vie täs muallizes stuanus, müö ohkammo takan al, gu emmo tahto jaksua tädä kuordu, a tahtommo panna sen piäle taivahallizen kuoren, anna elaigu lainuos sen, mi on kuolii.5Jumal on se, kudai valmisti meidü juuri täh niškoi da andoi meile sen merkikse oman Hengen.

6Sendäh müö ainos olemmo rohkiet hengel, hos tiijämmö, kuni elämmö täs rungas, olemmo eriže Ižändäs.7Müöhäi elämmö uskol, a ei sil, midä näimmö.8Sikse müö olemmo hengel rohkiet, i tahtozimmo parembi lähtie täs rungaspäi da mennä kodih Ižändän luo.9Sendäh müö, olemmogo jo sie libo vie muijal, panemmo kai väit, gu eliä Hänen mieldü müö.10Vet kaikil meil pidäü tulla Hristosan suvvon edeh, gu jogahine suas sen mugah, midä rungas olles ruadoi, hüviä libo pahua.

Sobu Jumalanke Hristosan kauti

11Nügöi, konzu müö tiijämmö, mi se on varata Ižändiä, müö opimmo kiändiä rahvahii Hänen puoleh. Jumal hüvin tiedäü, mittumat müö olemmo, da nad'eičemmos, gu tüögi oman hengen kauti tiijättö sen.12Emmo müö rubie müös kiittämäh iččie teile, vai annammo teile vallan mennä hüväkse meijän täh. Sit teil olis midä vastata niilöile, kudamat mennäh hüväkse sil, mi nägüü piälpäi, a ei sil, mi on südämes.13Gu olemmo gu mielis liikkunuot, ga se Jumalah niškoi. A konzu olemmo tervehel piäl, se teih niškoi,14sikse gu Hristosan suvaičus piettelöü meidü. Müö, kačo, nenga duumaičemmo: gu üksi kuoli kaikkien täh, sit kaikin kuoltih.15A Hristos kuoli kaikkien täh, anna eläjät ei enämbiä elettäs iččeh niškoi, a elettäs Häneh niškoi, kudai kuoli da nouzi kuollielois heijän täh.

16Sendäh nikedä emmo täs päiväs lähtijen miäriä omua iččie müö. Hos enne miäräimmö Hristossua omua iččie müö, enämbiä emmo rua muga.17Sendäh, ken on Hristosas, se on luajittu uvvekse. Vahnu hävii, sijah tuli uuzi.18Kai tulou Jumalaspäi, kudai Hristosan vuoh tuli sobuh meijänke da andoi meile ruavon sovittua rahvastu iččehke.19Jumal iče tuli sobuh muailmanke Hristosan vuoh, da ei pannuh viäräkse rahvastu heijän hairahtuksien täh. A meile Häi käski kandua sanua sih sobuh niškoi.20Ga sit müö olemmo Hristosan tüötüt, i Jumal pagizuttau teidü meijän kauti. Kehitämmö Hristosan nimes: tulgua sobuh Jumalanke.21Hristosan, kudai ei tiedänüh riähkiä, Jumal luadii meijän täh riähkäkse, gu Hänes müö piäzizimmö oigiekse Jumalan ies.


предыдущая глава Глава 5 следующая глава