Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE KORINFALAZILE

Глава 4

Ristikanzan väittömüs da Jumalan vägi

1Jumalan armos meil on nengoine ruado, sikse müö emmo kaimua rohkevuttu.2Müö hülgäimmö kai huijustettavat peittoruavot, emmo muanittele, emmo muuttele Jumalan sanua, a avuammo toven i annammo jogahizele suudie meidü hänen hengen mugah Jumalan ies.3Gu meijän jevangelii ollou peitos, se on peitettü niilöis, kudamat hävitäh,4niilöis uskomattomis, kudamien mielen nügözen muailman jumal muga sogai, ga hüö ei nähtä sidä taivahallistu valgiedu, kudai lähtöü Hristosan jevangelien suures valgies, Hristosan, kudai on Jumalan kuva.5Emmohäi müö sanele meis ičes. Müö sanelemmo Iisusas Hristosas, gu Häi on Ižändü, a müö olemmo teijän käsküläzet Iisusan täh.

6Jumal, kudai sanoi: «Pastakkah valgei pimies», pastoi meijän südämih, gu opastua meidü tundemah Jumalan taivahalline valgei, kudai läpettäü Iisusan Hristosan rožis.7Tämä bohatus on meis gu saviasties, gu nägüs, se piäličimiäräine vägi on Jumalaspäi, a ei meis ičes tulluh.8Meidü kaikkielpäi ahtistetah, no ei voija ajua čuppuh; meil on ülen jügei, no müö emmo katkie;9olemmo painetut, no emmo ole Jumalan hüllätüt; olemmo muah polgietut, no ei hävitetüt.10Müö kannammo ainos omas rungas Iisusan surmua, gu Iisusan elaigugi tulis nägevih meijän rungas.11Meidü, kudamat vie olemmo elos, Iisusan täh ainos annetah surmale, gu Iisusan elaigu tulis nägevih meijän kuolijas rungas.12Muga surmu ruadau meis, a elaigu - teis.13Meil on se samaine uskonhengi, kudamas on kirjutettu: «Minä uskoin, sendäh rubein sanelemah.» Müögi uskommo i sendäh sanelemmo.

14Müö tiijämmö, Häi, kudai nostatti kuollielois Ižändän Iisusan, nostattau meidügi Iisusan luaduh i azettau ühtes teijänke iččeh edeh.15Kai tämä on teih niškoi, anna ainos vai enämbi rahvastu tiijustettas Jumalan hüvüs da nostettas suurembi da suurembi kiitändüaldo Jumalan kunnivokse.

Ristikanzan elaigu uskos

16Juuri sendäh müö emmo lannistu. Anna ulgoči müö vahnanemmo, no südämeči müö uvvistummo päivü päiviä.17Nämä gor'at ollah lühütaigazet da kebjiet, a tuvvah meile smiettimättömän suuren ilmanigäzen valgien, kudai on äijiä suurembi gu gor'at.18Müö emmo kačo sih, mi on nägevis, a kačommo nägümättömäh, sikse gu se, mi nägüü, on aijalline, a nägümätöi on ilmanigäine.


предыдущая глава Глава 4 следующая глава