Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

TOINE KIRJAINE KORINFALAZILE

Глава 2

1Sendäh piätin omas ičes, gu minun tulendu täl kerdua ei tuos teile pahua mieldü.2Gu minä abeitannen teidü, kenbo sit vois ihastuttua minuu, gu ei se, kelle minä annoin abien mielen.3Juuri täh niškoi minä kirjutingi sen kirjazen, gu minul sinne tulduu ei rodies abei niilöin täh, kudamien täh minul pidäs olla hüväs mieles. Lujah uskoin, minun hüvä mieli on kaikkien teijängi hüvä mieli.4Kirjutin teile suures ahtistukses, südämen tuskis da küünälsilmin, no ei sendäh, gu tuvva teile abiedu, a sendäh, gu tiedäzittö, minä ülen äijäl suvaičen teidü.

Riähkähistü pidäü prostie

5A gu ken liennou tuonnuh pahua mieldü, häi ei tuonnuh sidä vai minule, a toi teile kaikile - hos äijän-vähän, gu ei sanuo liigua.6Moizele ristikanzale on külläl sit nakažindas, kudaman häi sai enimis teis.7A nügöi parembi prostikkua da kannatakkua händü, gu liijan suuri abei ei süös händü.8Sendäh kehitän teidü, ozutakkua hänele, kui suvaičetto händü.9Juuri sendäh minä kirjutingi teile sen kirjazen, gu oppie teijän mielii da tiijustua, olettogo tüö ainos sanankuulijat.10Kedä tüö prostitto, sidä minägi prostin, a gu kedä prostiin - gu liennou olluh sil midä prostittavua - luajiin sen teijän täh Hristosan silmien ies,11gu sattan ei piäzis voittamah meidü. Hänen mielet müö tiijämmö.

Puavilan huolet Troadas

12Lähtin sit sanelemah Hristosan jevangeliedu Troadah, sie Ižändü avai minule veriän ruadoh.13No minun vačču ei alevunnuh, gu en löüdänüh sie Tiittu-vellie, i sikse prostiimmos uskojien kanzukunnanke sie da jatkoin matkua Makedonieh.

14Kiitettü olgah Jumal, kudai ainos vedäü meidü Hristosan voittoparuadas da meijän kauti levittäü Hristosan tundemizen hüviä duuhuu.15Müö olemmo Hristosan hüvä duuhu, kudai tulou Jumalan edeh. Tämä duuhu tundietah net, kudamat piästäh dai kudamat hävitäh.16Erähile se on kuolendan duuhu kuolendakse, toizile - elaijan duuhu elaijakse. I kenbo sih pädöü?17Müö emmo ole gu net äijät, kudamat pietäh kauppua Jumalan sanal. Müö viäristelemättäh sanelemmo sidä Hristosan väil Jumalan ies moizennu, mittumannu se tuli Jumalaspäi.


предыдущая глава Глава 2 следующая глава