Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ENZIMÄINE KIRJAINE KORINFALAZILE

Глава 4

Apostolan jügei ruado

1Meidü sit pidäü pidiä Hristosan ruadajinnu, kudamile on annettu kačottavakse Jumalan peittomielet.2Kelle on midä annettu kačottavakse, hänes vuotetah, gu häi olis surematoi ruadai.3No minule on üksikai, rubiettogo tüö vai rubieugo mi rahvahan suudo minuu suudimah. En ni iče minä rubie suudimah iččie.4En tiijä ičen tagan nimittumua viärüttü, no se ei vie luaji minuu oigiekse. Minun suudijannu on Ižändü.5Ga sit älgiä ni suudikkua enne aigua, enne Ižändän tulendua. Häi tuou valgieh kai, midä on peitettü pimieh, da avuau südämien tahtot, i sit jogahine suau kiitändän Jumalaspäi.

6Nengozil verdavuksil, vellet, minä sanelin ičes da Apollonas teijän täh, gu tüö meis opastuzitto ellendämäh sanoi: «Nimidä sen piäle, mi on kirjutettu.» Älgiä sit suurennu mengiä ühten puolele tostu vastah.7Kenbo sinuu panis toizii korgiembakse? Ongo sinul midä mostu, midä et suannus lahjakse? Gu kerran sait kai lahjakse, midäbo sit suurendelettos, buitegu se on sinun sualis?8Tüö oletto, nägüü, jo külläzet, bohatuitto, piäzittö suarikse - ei kui müö. Oh, gu tüö tovel olizitto suarit, sit müögi piäzizimmö suarikse teijänke!9Jumal, nägüü, pani meidü, apostoloi, kaikis jälgimäzikse, buitegu kuolemah suudittuloikse. Olemmo gu kämmenel tämänilmazen da tuonilmazen muailman kačeltavannu, anheliloin dai rahvahien.10Müö olemmo mielettömät Hristosan täh, tüö mielevät Hristosas. Müö olemmo väittömät, tüö vägevät; teidü počitoijah, meidü paheksitah.11Iellehgi müö tirpammo n'älgiä da juomanjaluo, kävelemmö alasti, meidü perretäh, ainos olemmo menemäs sijas da toizeh,12müö suammo elätüksen omil käzil, jügiel ruavol. Meidü koiritah, a müö blahoslovimmo. Meidü painetah, a müö kestämmö.13Meidü kirotah, a müö vastuammo hüväl sanal. Müö täh päiväh suate olemmo gu topat, gu kaiken muailman hülgükotat.

14Kirjutan tämän ei sikse, gu huijata teidü, a tahton n'evvuo teidü gu omii armahii lapsii.15Olgah teil hos kümmene tuhattu Hristosan uskon opastajua, tuatto teil on vai üksi. Minähäi sain teidü Hristossah Iisussah uskojikse jevangelien vuoh.16Sikse pokoroičemmos teile: kačokkua minus, kui eliä.17Sih niškoi minä tüönnin teijän luo Timofein, kudai Ižändän täh on gu minun oma lapsi, armas da surematoi poigu. Häi juohtuttau teile, kui minä kävelen Hristosan Iisusan dorogoil da opastan niilöih dorogoih näh kaikkiel, joga uskojien kanzukunnas.18Erähät teis ruvettih suurendelemahes, smietitäh, minä ni tule en teijän luo.19No minä terväh tulen, gu Jumal andanou, da sit opin niilöin suurendelijoin vägilöi. Heijän sanoi minä en pie niminnü,20sendäh gu Jumalan valdu ei tule paginoinnu, a tulou väinnü.21Kudamua tüö tahtotto: tulengo teijän luo kepinke vai tulen lemmen da hüvüönke?


предыдущая глава Глава 4 следующая глава