Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE RIIMALAZILE

Глава 13

Pidäü kuunnella valdoi

1Jogahizel pidäü heittüö mei- jän piäl olijoin valloin alle. Ei ole valdua, kudai ei tullus Jumalaspäi, kai mual olijat vallat ollah Jumalan pannuot.2Sendäh, ken vastustau valdoi, se nouzou Jumalan käsküü vastah, i ken luadiu muga, suau Jumalan suvvon.3Ken luadiu hüvin, sil ei pie varata vallanpidäjii, varata pidäü sil, kudai luadiu pahoi. Gu tahtonet eliä varuamattah valdua, luaji hüvin, i se sinuu kiittäü.4Valdu on Jumalan käsküläine, se ruadau sinun hüväkse. No ku luadinet pahoi, sit varua! Eihäi valdu tühjäh kandele miekkua. Se on Jumalan käsküläine, kudaman kauti tazuandu tulou pahanluadijan piäle.5Sendäh pidäü heittüö valloile, ei vai tazuandan täh, a oman hengen täh.6Sendäh tüö nalougoigi maksatto, vallathäi sluužitah Jumalale, konzu ruatah omua ruaduo.7Annakkua sit jogahizele se, mi hänele kuuluu: kelle pidäü nalougat, sille anduat nalougat, kelle maksut - sille maksut, kelle varavo - sille varavo, kelle kunnivo - sille kunnivo.

8Älgiä olgua vellas nikelle nimil, vaiku toine toizen suvaičendal. Ken suvaiččou tostu, se on täüttänüh Zakonan käsküt.9Nämä käsküt «Älä magua vierahan akanke», «Älä tapa», «Älä varrasta», «Älä tahto nimidä vierastu» da kai muut käsküt ollah täs sanas: «Suvaiče lähimästü kui omua iččie.»10Suvaičus ei luaji nimidä pahua lähimäzele. Sendäh, ken suvaiččou, se täüttäü kai Zakonan käsküt.

Huondes jo valgenou

11Paiči sidä tüö tiijättö, mi aigoi nügöi on. Tuli aigu teil havaččuo unes, sendäh gu piäzendü on nügöi lähembi meih migu silloi, konzu müö rubeimmo uskomah.12Üö on loppumas, huondes jo valgenou. Hülläkkiämmö sit pimien ruavot da sellikkiämmö valgien puolistajikse.13Eläkkiämmö čestil, kui päiväl eletäh, ei piruijen da humaloijen, ei vierahas postelis da vällil veriälöil, ei riijellen da ei kadehtijen.14Šuorikkuattokseh Ižändäh Iisussah Hristossah, i huoldu omah rungah näh älgiä muutakkua sen himoloin täüttämizekse.


предыдущая глава Глава 13 следующая глава