Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE RIIMALAZILE

Глава 5

Piäzendü Hänen veren kauti

1Ga sit, gu Jumal uskon kauti on luadinuh oigiekse meidü, meil on rauhus Jumalanke meijän Ižändän Iisusan Hristosan täh.2Hänen vuoh müö uskol piäzimmö täh armoh, kudamas müö nügöi elämmö. Müö olemmo hüväs mieles, gu nad'eičemmokseh piästä Jumalan valgieh.3I ei vai tämän täh, a ahtistuksien tähgi müö olemmo hüväs mieles, sendäh gu tiijämmö, ahtistukset luajitah ristikanzan tirpačukse,4tirpandu - kestäčükse, a keständü tuou nad'oužan.5A nad'oužu ei ole tühjü, sendäh gu Jumal valoi omua suvaičustu meijän südämih, gu andoi meile Pühän Hengen.

6Konzu müö olimmo vie väittömät, aijan tulduu Hristos kuoli jumalattomis tuači.7Harvu ken tahtou kuolta oigiengi ristikanzan puoles; toinah hüvüönluadijas tuači kentahto i valmis on kuolemah.8No Jumal ozuttau oman suvaičuksen meih sil, gu Hristos kuoli meis tuači, konzu müö vie olimmo riähkähizet.9A ku Häi jo nügöi luadii meidü oigiekse oman veren hinnal, sidä teriämbi Häi piästäü meidü tulies vihas.10Gu kerran Jumalan Poijan kuolendu toi meidü sobuh Jumalanke, konzu müö olimmo Hänen vihaniekat, sidä enämbäl Jumalan Poijan elaigu piästäü meidü nügöi, gu sobuh on piästü.11Täs vie ei ole kai. Müö löühkämmö vie Jumalal, kudamanke tulimmo sobuh meijän Ižändän Iisusan Hristosan kauti.

Adam da Hristos

12Ühten ristikanzan, Adaman, kauti riähkü tuli muailmah, da riähkänke tuli surmu. Muga surmu tuli kaikkien ristikanzoin ozakse, sendäh gu kaikin luajittih riähkiä.13Olihäi riähkü muailmas jo enne Zakonua, no kus ei ole Zakonua, sie riähkii ei čotaija.14No surmu pidi valdua kaikkien piäl Adamas Moiseih suate, niilöingi piäl, kudamat ei hairahtuttu kui Adam, kudai meni Jumalan käsküü vastah.

Adam on kuva Hristosas, kudamal pidi tulla jällespäi.15No üksikai Adaman hairahtustu ei sua ni rinnale panna Jumalan hüvüönke. Ühten ristikanzan hairahtus toi kaikile kuolendan, no äijiä enämbäl Jumalan armo da Hänen lahju tuldih ühten ristikanzan, Iisusan Hristosan, hüvüön kauti kaikile.16Tädä lahjua ei sua ni rinnale panna senke, midä toi ühten ristikanzan riähkü muailmah. A mindäh? Sendäh, gu ühtele riähkäle jälles tuli suudo, kudamal suudittih häviendäh, a äijile riähkile jälles tuli Jumalan hüvüs, kudai piästäü oigiekse.17Ühten ristikanzan hairahtus luadii sen, gu surmu tämän ühten täh rubei pidämäh valdua. No äijiä enämbäl ühten ristikanzan, Iisusan Hristosan, täh ruvetah elaijas pidämäh valdua net, kudamat suadih Jumalan ülen suuren hüvüön da lahjan piästä oigiekse.

18Sendäh, muga kui ühten ristikanzan riähkän täh kaikkii suudittih häviendäh, mugai ühten ristikanzan oigien ruavon täh kai ristikanzat piästäh oigiekse da suajah elaigu.19Muga kui ühten kuulemattoman ristikanzan täh kaikkii luajittih riähkähizekse, muga ühten sanankuulijan ristikanzan täh kaikkii luajitah oigiekse.20Zakon tuli muailmah, gu nägüs, kui suuri on riähkü. No kus riähkü rodih suurekse, sie Jumalan hüvüs rodih äijiä kerdua suurembakse.21Muga kui riähkü pidi valdua da vedi surmah, mugai Jumalan hüvüs pidäü valdua da vedäü ilmanigäzeh elaigah meijän Ižändän Iisusan Hristosan täh, kudai luadii meidü oigiekse.


предыдущая глава Глава 5 следующая глава