Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

KIRJAINE RIIMALAZILE

Глава 4

Kačahtai Avraamah

1Midä müö voimmo sanuo Avraa- mas, meijän rahvahan kandutuatas? Midä rodih hänen ozakse?2Gu Avraamua liennou kačottu oigiekse hänen ruadoloi müö, häi voibi löühkiä sil, no ei Jumalan ies.3Midä sanotah Pühät Kirjutukset? «Avraam uskoi Jumalua, sikse Jumal kačoi händü oigiekse.»4Ruadajale maksettuu palkua ei kačota lahjakse, häi on suannuh sen ruavol.5A ken ruadoloin vuoh ei eči oigiekse roindua, no uskou Jumalah, kudai luadiu jumalattoman oigiekse, sille hänen uskon Jumal panou oigiekse.6Sanouhäi Davidgi ozakkahakse mostu ristikanzua, kudaman Jumal panou oigiekse kaččomattah hänen ruadoloi.7
- Ozakkahat ollah net, kudamien pahat ruavot on prostittu da kudamien riähkät on katettu.8Ozakas on se mies, kudamale Ižändü ei pane viärüökse hänen riähkiä.

9Kuulutahgo sit nämä ozasanat üksile vai ümbärileikattuloile vai ümbärileikkuamattomilegi? Müöhäi sanommo: «Avraamale hänen usko oli pandu oigiekse.»10No konzu se pandih? Oligo Avraam silloi ümbärileikattu vai ümbärileikkuamatoi? Ei olluh ümbärileikattu, häi oli vie ümbärileikkuamatoi.11I ümbärileikkuandumerkin häi sai oigieksekačondan pečatikse uskon täh, kudai hänel oli jo ümbärileikkuamattomannu. Tämä rodih, gu hänes rodies kaikkien niilöin tuatto, kudamat uskotah, da gu heidügi pandas oigiekse, hos hüö i ollah ümbärileikkuamattomat.12Nenga hänes rodih i ümbärileikattuloin tuatto, niilöin, kudamat ei vai olla ümbärileikatut, a vie astutah sidä uskon dorogua müöte, kudamua müöte astui meijän tuatto Avraam, konzu oli vie ümbärileikkuamatoi.

Usko da Jumalan uskalmo

13Jumal uskaldi Avraamale da hänen jälgeläzile kodivuitikse kogo muailman, ei sendäh, gu Avraam noudi Zakonua, a sendäh, gu Avraamua pandih oigiekse hänen uskon täh.14Kačo, gu kodivuitin suajat oldaneh vaiku net, kudamat püzütäh Zakonas, sit usko on tühjü dai uskalmo ei maksa nimidä.15Zakon tuou Jumalan vihan, sendäh gu rahvas mennäh sidä vastah. No gu ei olle Zakonua, ga ei ole ni sen vastah menendiä.

16Uskalmo sendäh rodieu tovekse uskon kauti, gu se olis Jumalan lahjannu. Nenga uskalmo on luja da se kuuluu kaikile Avraaman jälgeläzile, a ei vai niilöile, kudamil on Zakon, no niilöilegi, kudamil on Avraaman usko. Avraam on meijän kaikkien tuatto,17kui on sanottu Pühis Kirjutuksis: «Minä luajiin sinuu äijien rahvahien tuatakse.» Häi on meijän tuatto Jumalan ies, kudamah häi uskoi i kudai luadiu kuolluot elävikse da olemattomat olijoikse.18Avraam nad'eiččih, hos nad'eijakseh ei ni suannus, da uskoi, hänes rodieu äijien rahvahien tuatto nämien sanoin mugah: «Nenga äijü rodieu sinun jälgelästü.»19Hänen usko ei häilähtännühes, hos häi, läs sadavuodine, tiezi: hänen miehenvägi on sammunuh dai Saran kohtu kuivanuh.20Avraam ei olluh uskomatoi, a uskoi Jumalan uskalmoh i sai vägie omas uskos. Häi andoi kunnivon Jumalale21lujah uskojen, Jumal voibi luadie sen, min uskaldi.22Sendäh Jumal pani händü oigiekse.

23No üksikai nämä sanat «Jumal pani händü oigiekse» ei ole kirjutettu vai Avraamah niškoi,24a ollah i meih niškoi. Jumal panou oigiekse meidügi, gu müö uskommo Häneh, kudai nostatti kuollielois meijän Ižändän Iisusan.25Jumal andoi Hristosale kuolta meijän hairahtuksien täh, i nostatti Händü kuollielois, gu luadie meidü oigiekse.


предыдущая глава Глава 4 следующая глава