Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

IIVANAN ENZIMÄINE KIRJAINE

Глава 1

1Midä oli allus algajen, min müö kuulimmo, min näimmö omin silmin, midä kaččelimmo da opiimmo käzil, sit müö i pagizemmo: elaijan sanas.2Elaigu jiäviihes, müö näimmö sen i sih niškoi müö sanelemmo. Müö annammo teile tiediä ilmanigäzeh elaigah näh, kudai oli Tuatan luo da jiäviihes meile.3Min näimmö da kuulimmo, sen müö annammo teilegi tiediä, gu tüögi olizitto ühtes meijänke. Olemmohäi müögi ühtes Tuatan da Hänen Poijan Iisusan Hristosanke.4Tämän müö kirjutammo sih niškoi, gu meijän hüvä mieli rodies tävvekse.

Jumal – se on valgei

5Tämä on se viesti, kudaman müö Hänespäi kuulimmo da kudaman annammo teile tiediä: Jumal – se on valgei, Hänes ei ole nimidä pimiedü.6Gu sanonemmo, buite müö olemmo ühtes Hänenke, a iče kävellemmö pimies, sit müö kielastammo, da emmo elä toven mugah.7No gu kävellemmö valgies, muga kui Häi on valgies, sit müö olemmo ühtes toine toizenke, i Iisusan, Hänen Poijan veri, puhtastau meidü kaikis riähkis.

8Gu sanonemmo, buite emmo ole riähkähizet, müö muanimmokseh, i tozi ei ole meis.9No ku müö sanonemmo omat riähkät, sit Jumal, kudai on surematoi da oigei, prostiu meile riähkät da puhtastau kaikes viärüös.10Gu sanonemmo, buite emmo luadinuh riähkiä, sit luajimmo Jumalas kielastelijan, i Hänen sana ei ole meis.


предыдущая глава Глава 1 следующая глава