Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

PEDRIN ENZIMÄINE KIRJAINE

Глава 4

Elaijan muutos

1Nu gu Hristos omal rungal tirpi gor'at, otakkua tüögi tämä tirpandumieli toravehkehekse, sendäh gu ken omal rungal on nähnüh gor'ua, se heittäü riähkän azundan.2Sit häi ei elä jiännüttü elaigua ristikanzan himoloin mugah, a eläü Jumalan tahton mugah.3Luajiittohäi tüö mennüzil aijoil jo külläl sidä pahua, midä Jumalua tundemattomat rahvahat suvaijah luadie. Tüö elittö vällillistü elaigua omis himolois, joitto, piruičitto, humaloičittokseh da ruavoitto ilgiedü ruaduo, gu kumardelittokseh valehjumaloile.4Nügöi hüö kummeksitah sidä, gu tüö etto juokse heijänke sih samazeh vällillizen elaijan virdah, da nagretah teidü.5No heil pidäü andua čottu Hänele, kudai on valmis suudimah elävii dai kuolluzii.6Sendäh kuolluzilegi on saneltu jevangelii, anna heijän hengi eläs, muga kui eläü Jumal, hos heijän rungu sai sen samazen suvvon, kui kai rahvas.

7Kaikele tulou terväh loppu. Olgua sit vagaval mielel da selgiel piäl, gu voizitto moliekseh.8Enne kaikkie suvaikkua lujah toine tostu, sendäh gu suvaičendu kattau äijät riähkät.9Vastakkua toine tostu hüvin da kurkettamattah.10Avvutakkua toine toizele Jumalan annetul n'erol, piekkiä huoldu Hänen kaikenluaduzis hüvüzis, kui hüvät koinkaččojat.11Gu ken paissou, paiskah Jumalan annettuloil sanoil, gu ken avvuttannou toizile, avvutakkah Jumalan annetul väil, gu Jumalale annettas kunnivo kaikes Iisusan Hristosan kauti. Hänen on kunnivo da valdu ainos dai ilmazen ijän. Amin'.

Jumalanuskojan tirpamizet

12Kallehet vellet! Älgiä kummeksikkua sidä tulihistu gor'ua, kudamal teidü opitah, buitegu teile luajittas midätahto erinomastu.13A piekkiä hüviä mieldü sidä enämbäl, midä enämbi teijän kohtah tulou Hristosan gorii. Sit tüö voitto olla hüväs mieles da pidiä iluo sitgi, konzu jiävihes Hänen taivahalline valgei.14Konzu teidü kirotah Hristosan nimen täh, oletto ozakkahat: teijän piäl on suuri da vägevü Hengi, Jumalan Hengi.15Älgäh niken teis gor'evutakkah iččie toizen tapandal, vargahuol, pahanluajindal, libo seguondal toizen dieloloih.16No gu kedä gor'evutetanneh sendäh, gu häi on hristossalaine, anna ei huijustai, a kiittäü Jumalua tämän nimen täh.17On tulluh suvvon aigu, i enzimäzikse Jumal suudiu oman rahvahan. No gu se suudo alganou meis, ga mittuine sit roih niilöin agju, kudamat ei kuunnella Jumalan jevangeliedu?18
Gu oigeigi odva piäzöü,
ga midäbo sit roih jumalattomale
da riähkähizele!
19Sendäh net, kudamat tirpetäh gor'ua Jumalan tahton mugah, annettahes suremattoman Luadijan käzih da jatkettahes hüvüönluajindua.


предыдущая глава Глава 4 следующая глава