Выбрать язык
Книги Ветхого Завета
Книги Нового Завета
без русского текстаЗАКАР ПРОРОКЛÖН НЕБÖГ | КНИГА ПРОРОКА ЗАХАРИИ |
2 юр | Глава 2 |
| 1 Ме бара лэпті синмӧс да аддзи мортӧс, коді киас кутіс мурталан кӧв. | 1И снова я поднял глаза мои и увидел: вот муж, у которого в руке землемерная вервь. |
| 2 Ме юалі сылысь: «Кытчӧ тэ мунан?» Сійӧ вочавидзис: «Муртавны Ерусалимлысь пасьта-кузьтасӧ». | 2Я спросил: куда ты идешь? и он сказал мне: измерять Иерусалим, чтобы видеть, какая широта его и какая длина его. |
| 3 Буретш сэки мыччысис андел, коді водзынсӧ сёрнитіс мекӧд. Мӧд андел локтіс сылы воча | 3И вот Ангел, говоривший со мною, выходит, а другой Ангел идет навстречу ему, |
| 4 да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ. | 4и сказал он этому: иди скорее, скажи этому юноше: Иерусалим заселит окрестности по причине множества людей и скота в нем. |
| 5 Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн». | 5И Я буду для него, говорит Господь, огненною стеною вокруг него и прославлюсь посреди него. |
| 6 – Тэрмасьӧй, тэрмасьӧй! Пышйӧй войвыв муысь, – висьталӧ Господь. – Ӧд тӧвруӧс моз Ме разӧді тіянӧс нёльнан му пельӧсӧ, – висьталӧ Господь. – | 6Эй, эй! бегите из северной страны, говорит Господь: ибо по четырем ветрам небесным Я рассеял вас, говорит Господь. |
| 7 Эновт вавилонса оланінъястӧ, Сион! Пет сэтысь! | 7Спасайся, Сион, обитающий у дочери Вавилона. |
| 8 Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ. | 8Ибо так говорит Господь Саваоф: для славы Он послал Меня к народам, грабившим вас, ибо касающийся вас касается зеницы ока Его. |
| 9 Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ. | 9И вот, Я подниму руку Мою на них, и они сделаются добычею рабов своих, и тогда узнаете, что Господь Саваоф послал Меня. |
| 10 Нимкодясь да гажӧдчы,Сион ныв! Ме локта да овмӧдча тэ ордӧ, – висьталӧ Господь. | 10Ликуй и веселись, дщерь Сиона! Ибо вот, Я приду и поселюсь посреди тебя, говорит Господь. |
| 11 Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ. | 11И прибегнут к Господу многие народы в тот день, и будут Моим народом; и Я поселюсь посреди тебя, и узнаешь, что Господь Саваоф послал Меня к тебе. |
| 12 Вежа муын Господь вӧчас Иудаӧс Аслас войтырӧн, бара бӧръяс Аслыс Ерусалим кар. | 12Тогда Господь возьмет во владение Иуду, Свой удел на святой земле, и снова изберет Иерусалим. |
| 13 Господь водзын мед ланьтас быд морт, ӧд Господь петӧ Аслас вежа оланінысь. | 13Да молчит всякая плоть пред лицем Господа! Ибо Он поднимается от святаго жилища Своего. |
Глава 2