Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

АПОКАЛИПСИС

ЭЛИ ИОАННЭНЬ ПАНЖОЗЬ НЕЯВКС

Глава 13

Кавто идем ракшат

1Ды мон арынь иневедь чирес ды неия, кода иневедьстэнть лиссь идем ракша*. Сон ульнесь кемень сюро марто ды сисем пря марто. Сонзэ эрьва сюронть лангсо ульнесь инязоронь каштазке, ды эрьва прясонзо сёрмадозель Пазонь покордыця лем.2Идем ракшась, конань мон неия, мольсь леопард ёнов, пильгензэ ульнесть теке овтонь, кургозо – теке левень. Инегуесь максызе сонензэ эсь виензэ, инязоронь озамо тарканзо ды ине азорксчинзэ.3Идем ракшанть вейке прясонзо неявсь куломас пачтиця томбавкс, ансяк куломань те томбавксось пичкакшнось. Модань весе эрицятне абунгадозь тусть те идем ракшанть мельга. Весе ломантне сюконясть инегуентень секс, мекс сон максызе идем ракшантень эсь азорксчинзэ.4Сынь сюконясть идем ракшантеньгак ды кортасть: «Кияк а арави сэрцек те идем ракшанть марто! Кияк а тюрьгадови сонзэ марто!»

5Идем ракшантень максозель кортамс каштансто ды Пазонь покордыця валсо. Теде башка, Пазонть пельде максозель тензэ улемс азорокс ниленьгемень кавто ковонь перть.6Ды идем ракшанть кургсто кармасть лисеме сялдома-покордамо валт Пазонть кувалма. Сон ёвтнесь нулгодькс валт Пазонь лемденть, Сонзэ эрямо таркадонть ды менельсэ весе эрицятнеде.7Истя жо сонензэ максозель вий тюрьгадомс Пазонь ломантнень марто ды изнямс сынст. Ды максозель сонензэ азорксчи весе буетнень, раськетнень, мастортнэнь ды кельтнень лангсо.8Сонензэ кармить сюконямо мода лангонь весе сеть эрицятне, конатнень лемест апак сёрмадо эрямо книгантень. Те книгась Вирезэнть кедьсэ, кона печкезель менелень-масторонь теевемадо икеле.

9«Кинь улить пилензэ – кунсолозо!10
Кие саи полонс, се сонськак понги полонс.
Кие торосо чавны-маштни,
се сонськак ули маштозь торосо.
Неть валтнэсэ Пазонь ломантне тердевить
цидярдомас ды кемевиксчис».

11Мейле мон неинь омбоце идем ракша, кона лиссь мода потсто. Сонзэ ульнесть кавто сюронзо, прок реве левксэнь, ансяк кортась сон инегуй ладсо.12Васенце идем ракшанть икеле сон нолды тевс васенце идем ракшанть весе азорксчинзэ. Сон кармавты мода лангсо эрицятнень сюконямо васенце идем ракшантень, конань куломань аржось пичкакшнось.13Омбоце идем ракшась тейни ине тамашат: ломантнень сельмест икеле натой правты мода лангс менельстэ тол.14Неть дивань тешкстнэнь вельде, конатнень максозель тейнемс те сюромартонтень, васенце идем ракшанть кармавтоманзо коряс, сон вети мода лангонь весе эрицятнень манчемас. Сон кармавты сынст теемс васенце идем ракшанть, торонь томбавкс мартонть ды таго вельмезенть, чопачанзо.15Сюромартонтень максозель азорксчи оймиявтомс васенце идем ракшань чопачанть: чопачась натой кортазевсь ды ульнесь виезэ маштнемс эрьванть, кона эзь сюконякшно тензэ.16Те омбоце идем ракшась вийсэ кармавты весень: инетнень ды вишкинетнень, сюпавтнэнь ды кажовтнень, уретнень ды олячисэтнень, – путомс тешкс вить кедезэст эли конязост.17Ды киненьгак ломантнень эйстэ а мереви рамсемедеяк, микшнемедеяк, бути арась лангсонзо тешкс, кона невти идем ракшанть лемензэ эли сонзэ лементь невтиця цисланзо*.18Тень чарькодемс эряви превень домкачи. Превей ломанесь кадык ловсы идем ракшанть цисланзо. Те цислась кодамо-бути ломанень, ды се цислась – котосядт кодгемень кото.


предыдущая глава Глава 13 следующая глава