Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

АПОКАЛИПСИС

ЭЛИ ИОАННЭНЬ ПАНЖОЗЬ НЕЯВКС

Глава 3

Христос кучи вал Сардисэнь кемикуронтень

1«Сёрмадт Сардисэнь кемикуронь ангелэнтень истя: “Вана мезть корты тенк Се, конась кедьсэнзэ кирди Пазонь сисем оймеялтт ды сисем тештть. Мон содасынь весе тынк тевенк, содан: тынк ловить эрицякс, алкукс жо – тынь кулозтядо.2Сыргозеде ды кемекстадо сень, мезесь зярс эйсэнк овсе эзь куло. Ансяк вана мезенть Мон редия: Монь Пазонть икеле тынк тевенк аволь весеме ёндо вадрят.3Кирдеде мельсэнк тонавтоманть, кона максозель тенк ды конадонть тынь марсиде. Эрядо те тонавтоманть коряс ды кадынк пежетенк! Бути тынь а сыргозтядо, Мон сан тыненк апак учо, прок салыця, ды тынь содамояк а карматадо, зярдо Мон сан тыненк.4Ялатеке Сардиссэ тынк улить таго-зяро ломаненк, конат эзизь рудазкавто эсест оршамопелест. Сынь кармить якамо Монь марто вейсэ, оршазь ашосо. Те сыненст максозь видечисэ эрямост кисэ.5Кие изни, се карми оршазь ашо оршамопельсэ. Ды Мон а нардаса сонзэ лементь эрямо книгастонть ды апак сёпо ёвтаса сонзэ Эсень ломанекс Монь Тетянть ды Сонзэ ангелтнэнь икеле.6Кинь улить пилензэ, кунсолозо, мезде корты Пазонь Оймеялтось кемикуротненень!”»

Христос кучи вал Филадельфиянь кемикуронтень

7«Сёрмадт Филадельфиянь кемикуронь ангелэнтень истя: “Вана мезть корты Иневаньксэсь ды Видесь, кинь кедьсэ Давидэнь панжомась. Зярдо Сон панжи – киненьгак а пекстави, зярдо Сон пексты – киненьгак а панжови.8Мон содасынь весе тынк тевенк. Ванодо, Мон панжинь икеленк кенкш, конань пекстамс киньгак а саты виезэ. Кадык виенк аламо, тынь ялатеке эриде Монь валом коряс ды эзинк кадо Монсь кемеманть.9Кунсолодо! Мон максан тенк Сатананть промксстонть сетнень, конат кортыть ды невтить эсь пряст евреекс, ансяк алкуксокс сынь а истят, сынь – кенгелицят. Вансынк, Мон кармавтсынь сынст самс ды сюконямс пильгезэнк. Ды сынь чарькодьсызь, кода Мон тынк вечктядызь.10Тынь кеместэ ванстынк Монь валонть ды цидярдыде. Секс Монгак карман тынк ванстомо пиштемань шкастонть, конась шашты весе масторонть лангс ды карми пиштевтеме мода лангонь весе эрицятнень.11Мон сан курок. Кеместэ кирдинк сень, мезенк ули. Кияк илязо нельге тынк кедьстэ изницянь каштазонк.12Кие изни, сень мон тейса Монь Пазонь кудосо мазы кевень палманекс, ды сон кадовияк тозо пингеде пингес. Мон сёрмадса сонзэ лангс Монь Пазонь лементь ды Монь Пазонь ошонь лементь, од Ерусалименть, кона карми валгомо менельстэ Монь Пазонть пельде, ды Монсень од лемем.13Кинь улить пилензэ, кунсолозо, мезде корты Пазонь Оймеялтось кемикуротненень”».

Христос кучи вал Лаодикиянь кемикуронтень

14«Сёрмадт Лаодикиянь кемикуронь ангелэнтень истя: “Вана мезть корты Аминь, кемевикс ды виде яволявтыцясь, конань вельде Пазось теизе весементь.15Мон содасынь весе тынк тевенк: тынь а кельметь, а псить. Мон неиксэлидизь тынк эли псикс эли кельмекс!16Тынь жо ансяк лембинеть, а пситькак, а кельметькак, ды секс Мон прок уксновкст ёрттадызь тынк Эсень кургсто.17Тынь кортатадо: “Минь сюпавтано, сюпалгадынек, ды мезеяк миненек а эряви”. Нать тынь а чарькодтядо, кодат тынь пайстомот: тынь пиштякат, кажовт, сокорт ды штапот.18Секскак Мон путтадызь тынк превс: рамадо Монь кедьстэ толсо ванськавтозь сырне сюпалгадоманк кисэ. Рамадо ашо оршамопельтькак эсенк лангс оршамс ды кекшемс визькстэме штапочинк. Рамадо сельмень ваднемапельгак ды ваднинк сельменк сокорчинк ютавтоманть кисэ.19Мон таргаса лангс ды илейсэ тонавтса эрьванть, конань вечкса. Секскак уледе эрязакс ды кадынк пежетенк!20Кунсолодо! Мон аштян кенкш лангсо ды вачкоян. Бути кие марясы Монь вайгеленть ды панжсы кенкшенть, сестэ Мон сован кудозонзо ды озан мартонзо ярсамо, ды сонгак ярсы Монь марто вейсэ.21Кие изни, сенень Мон мерян озамс мартон Монь инязоронь озамо таркантень, кода Монгак изнинь ды теде мейле озынь Тетянь марто Сонзэ инязоронь озамо таркантень.22Кинь улить пилензэ, кунсолозо, мезде корты Пазонь Оймеялтось кемикуротненень”».


предыдущая глава Глава 3 следующая глава