Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

АПОКАЛИПСИС

ЭЛИ ИОАННЭНЬ ПАНЖОЗЬ НЕЯВКС

Глава 2

Христос кучи вал Эфесэнь кемикуронтень

1Мейле Сон поладсь: «Сёрмадт Эфесэнь кемикуронь ангелэнтень истя: “Вана мезть корты Се, кона кирди вить кедьсэнзэ сисем тештть ды яки сисем сырнень лампатнень юткова:2Мон содасынь весе тынк тевенк, тынк стака важодеманк ды цидярдоманк. Содаса сеньгак, кода тынь нулгодтядо апаро ойме ломанде. Тынь снартниде-варчавтниде сетнень, конат ансяк невтить эсь пряст апостолокс, ды чарькодиде: сынь кенгелицят.3Мон содан: тынк ули цидярдоманк, тынь ламо пиштиде-майсиде Монь лемем кисэ ды ялатеке эзиде сизе.4Ансяк вана мезе а тукшны Монь мельс тынк эйсэ: тынь ней Монь вечксамизь аволь уш истя, кода васняяк.5Ледстинк, кодат ульниде прамодонк икеле. Кадынк пежетенк ды тейнеде таго истят тевть, конатнень тейниде васняяк. Бути жо а кадсынк пежетенк, сестэ Мон курок сан тыненк ды шаштса таркастонзо тынк лампанк.6Ансяк вейкесэ тынь тейтядо видестэ: а вечксынк николаитнэнь* тевест, конатнень Монгак а вечксынь.7Кинь улить пилензэ, кунсолозо, мезде корты Пазонь Оймеялтось кемикуротненень! Кие изни, сенень Мон мерян ярсамс умарде эрямо чувтостонть, кона касы Пазонь пиресэнть”».

Христос кучи вал Смирнань кемикуронтень

8«Сёрмадт Смирнань кемикуронь ангелэнтень истя: “Вана мезть корты Васенцесь ды Меельцесь, конась кулось ды таго велявтсь эрямонтень.9Мон содан тевденк, тынк пиштемадонк-майсемадонк ды тынк арасьчиденк – алкуксокс тынь сюпавтадо! Содан седеяк, кода тынк сялдыть-покордыть сеть, конат эсь пряст ловить Пазонь ломанекс, ансяк сынь а истят. Алкуксокс сынь – Сатанань промксстонть.10Илядо пеле неть пиштематнеде, конат савить тыненк кирдемс. Кунсолодо! Идемевсесь зярыятнень тынк эйстэ озавтсынзе пекстамо кудос, ды кемень чис тынь понгтадо снартнемас-варчавтнемас. Ансяк илинк кадо кемеманк, бути сави тенк мик куломс, ды кода изницянень, казян тенк эрямонь каштаз.11Кинь улить пилензэ, кунсолозо, мезде корты Пазонь Оймеялтось кемикуротненень! Кие изни, сенень омбоце куломась* зыян а теи”».

Христос кучи вал Пергамонь кемикуронтень

12«Сёрмадт Пергамонь кемикуронь ангелэнтень истя:“Вана мезть корты Се, конань торозо кавто пельга пшти:13Мон содан тевденк: тынь эрятадо тосо, косо Сатананть инязоронь озамо тарказо. Ды тедеяк содан: тынь а стувттадо Монь лементь ды эзинк кадо Монень кемеманть сестэяк, зярдо Антипа, Монь кемевикс яволявтыцясь, куловтозель тынк ошсо, косо эри Сатанась.14Ансяк кой-кодат тынк тевенк а тукшныть Монь мельс: ютксонк улить истят, конат эрить Валаамонь тонавтоманзо коряс. Валаам жо тонавтызе Валаконь, кода Израилень эрицятнень совавтомс пежетьс: ярсамс сывельденть, кона алтазь аволь алкуксонь пазтнэнень, ды эрямс ускурязь.15Истя жо тынк ютксояк улить истят ломанть, конат эрить николаитнэнь тонавтомаст коряс, конадонть Мон нулгодян.16Кадынк пежетенк! Бути тынь а кадсынк пежетенк, Мон куроксто сан тенк, ушодан тюрема ды чавносынь сынст кургстон лисиця торосонть.17Кинь улить пилензэ, кунсолозо, мезде корты Пазонь Оймеялтось кемикуротненень! Кие изни, сенень Мон казян ярсамс кекшезь манна ды максан ашо кев, конань лангсо сёрмадозь од лем. Те лементь кияк а содасы сенде башка, конанень максозь кевесь”».

Христос кучи вал Тиатирань кемикуронтень

18«Сёрмадт Тиатирань кемикуронь ангелэнтень истя: “Вана мезть корты Пазонь Цёрась, конань сельмензэ палыця толонь кондят ды конань пильгензэ прок сияждыця бронза:19Мон содасынь весе тынк тевенк, вечкеманк ды кемеманк, важодеманк ды цидярдоманк. Ды содан: тынь ней тейтядо икелень коряс седе ламо тевть.20Ансяк вана аламошка Монь мельс а тукшны тынк эйсэ: тынь кирдтядо Иезавель аванть коронзо. Сон невти эсь прянзо пазмарицякс ды эсензэ тонавтомасонть манчи Монь важотнень. Секскак сынь эрить ускурязь ды ярсыть сывельде, кона алтазь аволь алкуксонь пазтнэнень.21Мон максынь тензэ шка кадомс пежетензэ, ансяк сонзэ арась мелезэ кадомс ускурямосо эрямонть.22Кунсолодо! Мон каяса те аванть ормань тарка лангс. Сеть ломантнень, конат мартонзо сюлмавозь ускурямонь тевсэ, кармавтсынь пек пиштеме, бути а кадсызь пежетев киява молемаст.23Мон маштнесынь куломань ормасо сонзэ мельга молицятнень. Сестэ весе кемикуротне кармить содамо: Мон – се, кие содасынзе ломантнень кекшезь арсемаст-мелест. Мон эрьвантень эйстэнк максан тевензэ коряс.24Лиятне жо тынк эйстэ, конат эрить Тиатирасо, эзть туе те зыянов тонавтоманть мельга. Тынь эзинк совавто превс-седейс, кода кортыть, Сатананть домка салавачинзэ. Тыненк ули мелем пачтямс: тынк лангс Мон а карман путомо лия кармавтомат.25Ансяк сень, мезенк ули, кеместэ кирдинк Монь самс.26Кие изни, кие пингень прядовомас топавты Монь мелем, сенень максан азорксчи лия раськень ломантнень лангсо.27
Сон карми кирдеме-ветямо сынст кшнинь мандосо
ды поркснесынзе сынст пельксэнь пелькс прок сёвонень чакшт.
Истямо азорксчись Монень максозь Тетянь пельде.28Теде башка, Мон максан сонензэ валскень зоря теште.29Кинь улить пилензэ, кунсолозо, мезде корты Пазонь Оймеялтось кемикуротненень!”»


предыдущая глава Глава 2 следующая глава