Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЕВРЕЙТНЕНЕНЬ СЁРМАСЬ

Глава 5

Арононь ды Христосонь попоксчись

1Попонь эрьва прявтось кочкави ломантнень ютксто ды аравтови ломантнень кисэ Пазонтень важодеме: кандтнеме казнеть ды анокст пежетест нолдамонь кисэ.2Сон машты чевте седейсэ чарькодеме виде кистэ кадовозтнень ды асодыцятнень, секс мекс сон сонськак, кода весе, лавшо ломань.3Лавшочинзэ кувалма сонензэ эряви кандтнемс анокст кода лиятнень пежетест кисэ, истя жо эсь пежетензэ кисэяк.4Киненьгак эсензэ мелензэ коряс а саеви истямо сэрей важодемась. Попонь прявтокс ломанесь ары ансяк Пазонть тердеманзо коряс, кода ульнесь тердезь Аронгак.

5Истя Христоскак аволь Сонсь Эстензэ саизе инексчинть улемс Попонь прявтокс, мекевланк, Сонзэ те таркантень кепедизе Се, кие мерсь:
«Тон Монь Цёрам, течи Мон чачтытинь Тонь».
6Ды таго Сёрмадовксонть лия таркасо Пазось корты:
«Тон улят попокс пингеде пингес
Мелькиседекень попокс аравтоманть ладсо».

7Мода лангсо эрямстонзо Иисус рангозь ды сельведь марто энялдозь ознось Сенень, кинь ули виезэ идемс Сонзэ куломадо. Ды Сон ульнесь марязь Пазонь меленть домка ловоманзо кисэ.8Куш Сон ульнесь Пазонь Цёракс, ялатеке Сон тонадсь кунсоломо Эсь пиштеманзо вельде.9Зярдо Сонсь кармась улеме педе пес вийс совазекс-анокстазекс, сестэ Сон теевсь пингеде пингень идемань лисьмапрякс весе сетненень, кить кунсолыть Сонзэ.10Ды Пазось яволявтызе Сонзэ улемс Попонь прявтокс Мелькиседек ладсо.

Илядо лотка кемемадо!

11Минек ули ламо мезде кортамс мартонк тень коряс, ансяк стака тень тыненк ёвтамс, секс мекс тынь теевиде мельтеме кунсолыцякс.12Эдь тыненк уш умок сась шка улемс лиянь тонавтыцякс, а вана тыненк эстенк таго эряви тонавтыця, кие тынк тонавтовлидизь Пазонь валонть васенце чарькодематненень. Тыненк одс эряви ловсо, аволь калгодо ярсамопель.13Эрьвась, кинь андыть ловсодо, сон теке пиже эйкакш, ды секс а чарькодьсы, мезесь виде, мезесь аволь.14Мекевланк, калгодо ярсамопелесь максови вийс совазтненень, конатне, эрямонть содазь, ёжомарямост вельде тонадсть явомо паронть зыянонть эйстэ.


*а 5:1 анокс – жертва


предыдущая глава Глава 5 следующая глава