Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЕВРЕЙТНЕНЕНЬ СЁРМАСЬ

Глава 1

1Пазось кезэрень пингене ламоксть ды эрьва кодамо ладсо кортнесь минек покштятненень пазмарицятнень вельде.2Неть меельце шкатнестэ Сон кортась миненек Эсь Цёранзо вельде, конань кедьс Сон макссы весементь ды конань вельде теинзеяк менельтнень-мастортнэнь.3Цёрась невти Пазонь иневалдонть сияждоманзо, Сонзэ алкуксонь чачонзо ды кирди-вети весементь Эсензэ виев валсонзо. Ломантнень пежетест Эсензэ вельде ванськавтомадо мейле Сон озась лововикс таркас сехте верце менельсэнть Инепазонть вить кедензэ пелев.

Пазонь Цёрась ангелтнэде ине

4Истя Сон кармась улеме ангелтнэде седе сэрейкс, кода Сонензэ Пазонь максовт лемеськак седе ине сынст лемтнеде.5Эдь киненьгак ангелтнэнь эйстэ Пазось зярдояк истя эзь ёвта:
«Тон Монь Цёрам, течи Мон чачтытинь Тонь»
ды истяяк:
«Мон улян Сонензэ Тетякс,
ды Сон ули Монень Цёракс».
6Ды таго Эсь Васень Цёранзо масторонть лангс кучомсто Пазось ёвтась:
«Кадык Пазонь весе ангелтнэ сюконить Тензэ».
7Ангелтнэде Пазось ёвтась:
«Сон тейсынзе Эсь ангелэнзэ вармань кондямокс,
ды Эсь важонзо толгелень кондямокс».
8А вана Цёранстэнь Сон корты истя:
«Паз! Тонь инязоронь таркась ули пингеде пингень,
ды Тон ветят Эсь ломанеть видечинь коряс.
9Тон свал вечкилить видестэ теема
ды а вечкилить койтемечи.
Ды секс Пазось, Тонь Пазось,
кочкинзеть-ваднинзеть Тонь кецямонь елейсэ мартот улицятнеде седе пек».
10Ды таго Пазось мерсь:
«Тон, Азорось, васняяк путыть юр модантень,
теить Эсь кедьсэть менельтнень.
11Нетне весе ёмить, ансяк Тон кадоват;
весе сынь таштомгадыть оршамопель ладсо.
12Тон сынст тапардасыть ланга оршамо ладсо,
ды сынь полавтовить.
Ансяк Тон вана зярдояк а полавтоват,
ды Тонь иетненень а ули пе».
13Киненьгак ангелтнэнь эйстэ Пазось зярдояк эзь мере:
«Озак Монь вить кедь ёнов,
зярс Мон а тейсынь Тонь душманот
пильгеть путома таркакс».
14Кить эно истят неть ангелтнэ? Сынь – оймеялтт, конат важодить Пазонтень, ды конатнень Пазось кучи лездамо сетненень, кинень максови идема.


предыдущая глава Глава 1 следующая глава