Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИТНЭНЬ ПАВОЛОНЬ СЁРМАЗО

Глава 3

Кемемась ды эрямось

1Свал ледстнек Критэнь кемицятненень: кадык сынь кунсолыть масторонь прявтнэнь ды ветицятнень, топавтыть сынст мелест ды улить анококс эрьва кодамо паро тевень тееме.2Истя жо кадык сынь киньгак а сёвныть-пазить, киньгак марто а пелькстыть. Мекевланк, улест сынь сэтьме лувсо эрицякс ды свал чевте седеекс весе ломантнень икеле.

3Эдь минськак зярдо-бути ульнинек а чарькодицякс, а кунсолыцякс ды манязекс, эрьва кодамо пежетев мельтнень-бажамотнень урекс. Минь ютавтнинек эсь эрямонок зыянсо ды сельмень сявадомасо, ульнинек нулгодьксэкс ды кирдинек кеж вейкенек-вейкенек лангс.4Ансяк зярдо Пазось, минек Идицясь, панжизе Эсензэ седеень парочинзэ ды ломантнень вечкеманзо,5Сон идимизь минек. Пазось тень теизе аволь минек паро тевтнень коряс, – ансяк Эсензэ седеймарямонть коряс. Пазось идимизь оймень шлямосо, конасонть минь одс чачинек, ды Иневанькс Оймеялтонть одкстомтомасо.6Те Оймеялтонть Сон сюпавсто валызе минек лангс Иисус Христосонь, минек Идицянть, вельде.7Теньсэ Пазось Эсензэ чанстензэ кувалт ловимизь минек чумовтомокс. Секс ули ней седейнежедьксэнек: миненек максови пингеде пингень эрямось.8Неть валтнэ видеть.

Монь ули мелем: кеместэ тешкстак неть тонавтоматнень кунсолыцятнень превс-мельс. Кадык сеть, конат совасть кемемас Пазонтень, оймень путозь кармить бажамо паронь тееме. Те вадря ды канды весе ломантненень лезэ.9Иля совсе превтеме пелькстамос, раськеде-буеде кортавтомас ды Моисеень Койде сёвномас-тюремас, эдь сынь киненьгак а кандыть лезэ ды овсе а эрявить.10Кемикуронь калавтыцянть кардык весть, кавксть, мейле иля тее мартонзо кодаткак вейсэнь тевть.11Эдь тон содат: истямо ломанесь пурдась виде ки лангсто ды арась пежетень ки лангс. Теньсэ сон сонсь эсь прянзо судизе.

Превспутомат ды прядомань валт

12Зярдо мон кучса тонеть Артемань эли Тикикень, нейке капшак самс монень Никополев, эдь мон саинь мель печтямс теленть тосо.13Эрьва кода лездак коень тонавтыця Зенаснэнь ды Аполлоснэнь пурнамс-сэрнямс ки лангов. Кадык сынст а ули мезеньгак арасьчист мастор ланга якамстост.14Минек Критэнь ломантнеяк тонадост паронь тееме, лия ломантнень арасьчидест мелявтозь, ды сестэ сынст эрямост а ули лезэвтеме.

15Весе, кить тесэ монь марто, кучить теть шумбракстнемат. Шумбракстнить весе минек вечкевикс оятнень вейсэнь кемеманок кувалт. Пазонь чанстесь улезэ весеменк тынк марто! Аминь.


предыдущая глава Глава 3 следующая глава