Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИТНЭНЬ ПАВОЛОНЬ СЁРМАЗО

Глава 1

1Мон – Павол, Пазонь важо, Иисус Христосонь апостол. Мон кучозян лездамо Пазонь кочкавтнэнень седе домкасто кемемс Азоронтень ды чарькодемс видечинть. Те видечись вети сынст Пазонь мелень топавтомантень2ды максы сыненст седейнежедькс пингеде пингень эрямонть лангс. Те эрямонть алтызе миненек менелень-масторонь теемадо икеле Пазось, кона зярдояк а кенгели.3Путозь шкасто Сон яволявтызе Эсь валонзо те Кенярксов кулясонть, конань пачтямось максозель монень Пазонть, минек Идицянть, кармавтовксонзо коряс.4Мон сёрмасон шумбракстнян тонь, Тит, ды эйсэть лован вейсэнь кемеманок кувалт эсень алкуксонь цёракс. Чансть теть, седеймарямо ды седейоймамо Тетя Пазонть пельде ды Иисус Христос Азоронть, минек Идицянть, пельде!

Кодамокс улема кемикуронь прявтнэнень

5Мон кадытинь тонь Крит лангс вана кодамо тувталонь кувалма: тонеть эряви прядомс сень, мезесь апак прядо, ды путомс эрьва ошс кемикуронь прявтт, кода мон кармавтынь тонеть.6Кемикуронь прявтокс путома истямо ломань, кона мейсэяк а чумондови, вансты видечи нинзэ икеле ды конань эйкакшонзо Пазнэнь кемицят ды а чумондовить визькстэме эрямосо ды а кунсоломасо.7Эдь эрьва кемикуронь ветицясь улезэ мейсэяк а чумондовицякс, кода се, конань аравтызе Пазось Эсензэ кудоветицякс. Сон илязо уле каштангалицякс ды сеске кежс совицякс, илязо уле симемас ды тюремас правтыцякс, ярмаконь апештевиця таштыцякс.8Мекевланк, сон улезэ инжень вастыцякс, паронь вечкицякс, ванькс мельсэ эрицякс ды виде тевень теицякс, Пазонь мелень ваныцякс ды эсь прянь кирдеме маштыцякс.9Сонензэ эряви улемс кеместэ сюлмавозь кемевикс кулянть марто, конанень сон ульнесь тонавтозь. Сестэ сонзэ ули виезэ виде тонавтомасо виевгавтомс лия кемицятнень ды лангс таргамс каршо молицятнень.

Критэнь кемикуронь тевтне

10Эдь улить ламо ломанть, – сеедьстэ нававтозь еврейтнень ютксто, – конат киньгак а кунсолыть, лабордыть аэрявикс тевде ды теньсэ пурдавтыть виде кистэ лиятнень.11Сынст кургост эряви пекстамс. Эдь сынь талновтыть целанек кудораськеть, зярдо тонавтыть сенень, мезес а эряви. Те нулгодькс тевенть сынь теить ярмаконь таштамонть кисэ.12Критэнь эрицятнестэ вейкесь, конань сынь ловить превей тонавтыцякс, мерсь:
«Критэнь эрицясь свал кенгелиця,
кежей ракша, нузякс ды отьма пеке».
13Ды неть валтнэ видеть. Секскак сынст казямосто таргить лангс: кадык ули шумбра сынст кемемаст,14кадык лоткить молеме еврейтнень ёвксост мельга ды видечистэ потазь ломантнень кармавтовксост мельга.15Ванькстнэнь туртов весемесь ванькс. Сетнень туртов, конат сынсь аванькст ды акемицят, мезеяк ванькс арась. Истятнэнь мелесткак ды оймеёжосткак теевсть аваньксэкс.16Сынь валсо кортыть, келя, Пазонть содасызь, ансяк эсест тевсэ явить Пазонть эйстэ. Сынь нулгодькст, Пазонть каршо молицят, кодамояк паро тевс амаштовикст.


предыдущая глава Глава 1 следующая глава