Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИМОФЕЙНЕНЬ ПАВОЛОНЬ ОМБОЦЕ СЁРМАЗО

Глава 4

Тонавт видечис!

1Пазонть ды минек Иисус Христос Азоронть сельме икеле, кона карми судямо эрицятнень ды кулозтнень, кеместэ вешан пельдеть Сонзэ самонзо ды Инязорксчинзэ вельде:2пачтяк Кенярксов кулянть! Ульть анок те тевентень ён ды аволь ён шкастояк. Ливть лангс, мурнек-кардак ды кемекстак. Весе тень тейть цидярдозь, кода паро тонавтыця.3Эдь сы шка, зярдо ломантне потыть шумбра тонавтомадонть, ды вешнить эсь мелест коряс истят тонавтыцят, конат кармить ёвтнеме тенст ансяк сень, мезенть сынь сынсь бажить марямс.4Сынь потомдсызь пилест видечинтень, велявтыть эйстэнзэ ды кармить кунсоломо ломанень ёвтнемат-побаскат.5Тон жо свал ульть валдо превсэ, кандт стакачитнень, тейть эсь теветь: пачтяк Кенярксов кулянть, пародояк парсте топавт эсь важодемат.

6А вана монь эрямось – те уш кода алтарь лангсо путозь анокс, ды сась шкам туемс те эрямостонть.7Мон парсте ютавтыя тюреманть, мон чиия весе кинть, мон ванстыя кемеманть.8Ды ней монь учи изницянь казне, видечинь каштаз, конань макссы монень Азорось, виде Судиясь, меельце чистэнть. Ды Сон макссы сонзэ весенень, кие вечкема марто учи Сонзэ самонть, аволь ансяк монень.

Паволонь превспутоматне ды энялдоматне

9Бажак самс монень седе курок!10Эдь Демас монь кадымим. Сонзэ седеентень вечкевсь неень пингень эрямось, ды сон тусь Фессалоникав. Креск тусь Галатияв, Тит – Далматияв. Монь марто кадовсь Лука ськамонзо.11Саик мартот Марконь, секс мекс сон монень паро лездыця важодема тевсэнь.12Тикикень мон кучия Эфесэв.13Зярдо сат, саик мартот плащом, мон сонзэ кадыя Карпань кедьс Троадасо, ды туить книгатнень, васняяк, пергаментэнсетнень.14Александр, кузнецесь, тейсь монень ламо зыян. Кадык Азорось максы тензэ тевензэ коряс!15Тонгак ванстт прят сонзэ эйстэ. Эдь сон пек виевстэ мольсь минек валтнэнь каршо.

16Зярдо монень васенцеде савсь ёвтамс эсень кисэ идема вал, сестэ монень кияк лездамо эзь са, весе монь кадымизь. Илязо ловово те тенст чумокс!17Ансяк Азорось аштесь монь кисэ. Те Сон макссь монень вий сень кисэ: парсте топавтовлия мон Кенярксов кулянь пачтямонть ды марявлизь сонзэ весе лия раськетне. Истя мон идевинь левень кургсто.18Азорось седе товгак идесамам монь эрьва кодамо зыяндо ды совавтсамам шумбрасто-парсте Эсензэ менелень Инязорксчинтень. Шнамо Тензэ пингеде пингес! Аминь.

Меельце мельть-арсемат

19Ёвтак шумбракстнемат Прискилланень ды Акиланень ды истя жо Онисифоронь кудораськенстэнь!20Эраст кадовсь Коринфс, Трофимень мон кадыя сэредеманзо кувалт Милетс.21Бажак пачкодемс телень самс. Тонеть кучить шумбракстнемат Эвбул, Пуд, Лин, Клавдия ды весе кемиця ялгатне.22Иисус Христос Азорось улезэ тонь марто! Пазонь чанстесь улезэ мартонк! Аминь.


предыдущая глава Глава 4 следующая глава