Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИМОФЕЙНЕНЬ ПАВОЛОНЬ ОМБОЦЕ СЁРМАЗО

Глава 3

Меельце стака шкатне

1Содак тень: меельце читнестэ сыть стака шкат.2Ломантне кармить вечкеме ансяк эсь пряст ды ярмакт, кармить каштангалеме ды прянь верьга кандомо, сынь валсо покордыцят, тетянь-авань акунсолыцят, вадрянь асодыцят, сынст оймесэст арась кодамояк Пазонь паро. Сынь авечкицят,3аладицят, ломань лангс кортыцят-кенгелицят, ацирьгалицят, кежейть-казямот, паронь асодыцят,4лиянь миицят, визькстэметь, пряст покшкавтницят. Сынь седе пек вечксызь тантей шожда эрямонть, аволь Пазонть.5Эсь пряст сынь невтить Пазнэнь кемицякс, ансяк эсь потмоваст кемемань виенть мезекскак а ловить. Истятнэде кирдевть ве ёно.

6Неть ломантнень ютксо сетнеяк, конат эцить кудос ды манчить лавшо аватнень, конатнень лангсо уш аштить ламо пежетть ды конатнень эрьва ёнга ветнить-таргсить визькс мелень вешемаст.7Неть аватне свал бажить од тонавтомантень, ансяк кодаяк а пачкодить видечинь чарькодемантень.8Кода Яннес ды Ямбрес стясть Моисеень каршо, истя жо молить видечинть каршо неть кенгелиця тонавтыцятне, конатнень превест колазь ды кемемаст аволь алкуксонь.9Ансяк сынь аламо кенерить тееме: сынст превтемечись лиси лангс весень икеле, кода теевсь сеть кавтотнень мартояк.

Тимофейнень Паволонь кармавтомазо

10Тон жо молить монь мельга тонавтомасо, эрямосо, бажамосо, кемемасо, куватень кирдемасо, вечкемасо, цидярдомасо ды11истят пансематнесэ ды пиштематнесэ, конатне пракшность монь лангс Антиокиясо, Икониясо ды Листрасо. Весе неть пансематнень мон кирдинь ды весеметнень эйстэ Азорось монь идимим!12Ды весень, кинь мелезэ эрямс видестэ Пазонть икеле Христос Иисус марто вейсэндязь, учить пансемат.13Ансяк апаро ломантне ды манчицятне яла кармить тееме седе покш ды покш зыян, кармить виде ки лангсто пурдавтомо лиятнень ды эсь прясткак.14Тон жо кирдевть сень эйсэ, мезес тонавтозят ды мезенть кеместэ содат. Тон, нама, содат, кить тонь тонавтыцятне.15Эйкакш пингестэ тон уш содат Пазонь Сёрмадовкстнэнь, конатнень ули виест максомс теть превейчи, конась ветятанзат тонь идемас Христос Иисуснэнь кемеманть вельде.16Весе Сёрмадовкстнэ чачтозь Пазонть Оймеялтонзо вельде ды лезэвть. Сынь тонавтыть минек, ливтить лангс пежетенек, аравтыть виде ки лангс ды путыть превс, кода эрямс Пазонь меленть коряс.17Истямо ладсо Пазонь ломанесь ули анокстазь эрьва ёндо ды карми улеме анок эрьва кодамо паро тевс.


предыдущая глава Глава 3 следующая глава