Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИМОФЕЙНЕНЬ ПАВОЛОНЬ ВАСЕНЦЕ СЁРМАЗО

Глава 5

Кемикуронь сыре ды од ломантне ды доватне

1Сыре цёранть кежевстэ иля мурне, мекевланк, превс путт эйсэнзэ энялдозь-лацезь, теке эсеть тетять. Тондеть одтнэнь марто кортнек, теке эсеть ялаксот марто.2Сыре аватненень пшкалек теке аватень; сетненень, конат тондеть одт, теке сазоротень, ванькс мельсэ.

3Ловт доватнень, конат алкукс ськамост.4Бути жо дованть улить эйкакшонзо эли нуцьканзо, сестэ васняяк сыненст эряви невтемс эсест кемемаст тевсэ: кадык сынь тонадыть мелявтомо эсь кудораськест кисэ ды истя пандомо тетятнень-аватнень туртов эсь долгост, эдь те тукшны Пазонть мельс.5Алкуксонь, ськамонзо кадовозь довась кеми-нежеди ансяк Пазонть лангс, чинек-венек озны ды веши пельдензэ лезкс.6Истямо жо довась, кона эри эсь седеензэ-мелензэ витемань-петемань кисэ, уш кулозь ломанень кондямо.7Тень вана кармавт тенст: улезэ сынст эрямост ачумондовиця.8Кие а мелявты роднядонзо-раськедензэ, ды васняяк эсь кудосотнеде, се ёртызе-кадызе кемеманть ды теевсь акемицядонтькак берянекс.

9Довакс сёрмадома ансяк сетнень, конат кодгемень иеде аволь седе одт ды ульнесть вейке мирдень никс,10конатнень содасызь эсь паро тевест кувалт, эйкакшонь кастомга-трямга, инжень вастомга, кудозост совиця Пазонь ломантненень пильгень шлямга, стакачис понгозтненень лездамга ды эрьва кодамо паро тевс эсь прянь алтамга.11Од доватнень илить сёрмадо. Эдь зярдо сынь одонь ёжомарямотнень коряс сыть мельс лисемс мирденень, сестэ те васолгавты сынст Христосто.12Истя сынст лангс пры чумондома, секс мекс сынь колызь икелень максовт алтамост: улемс видекс ансяк Христоснэнь.13Теке марто сынь теевить важодемань авечкицякс ды тонадыть кудодо кудос якамо. Истя жо сынь теевить лиядо чаво валсо кортыцякс, эцить ломань тевс, ды ёвтнить седе, мезде а эряви кортамс.14Секскак монь мелем: кадык од доватне лисить мирденень, чачнить эйкакшт, ветить кудоютконь тевть ды а максыть минек каршо молицятненень тувтал берянь кортамотненень.15Эдь кой-конатне уш пурдасть виде ки лангсто ды тусть Сатананть мельга.16Бути кемиця братонть эли кемиця сазоронть улить довакс кадовозь раськензэ, сестэ кадык мелявтыть сынст эйстэ ды а путови те сталмось кемикуронть лангс, конанень лездама алкуксонь доватненень.

Кемикуронь прявтнэ

17Сеть кемикуронь прявтнэнь, конат парсте ветить тевест, эряви шнамскак ды парсте тенст пандомскак, васняяк сетненень, конат важодить Кенярксов кулянь пачтямонть ды тонавтоманть коряс.18Эдь Сёрмадовксось корты: «Иляк пекста пивсыця буканть кургонзо» ды «Важодицянтень пандыть тевензэ кисэ».19Иля кунсоло чумондоманть кемикуронь прявтонть лангс, бути сонзэ а кемекстасызь кавто эли колмо ломанть.20Пежетень теиницятнень жо таргак лангс весеме икеле, кадык лиятнеяк пелезевить.21Мон пек энялдан теть, Тимофей, Пазонть ды Иисус Христос Азоронть икеле ды Сонзэ кочкавт ангелтнэнь икеле нолдамс тевс неть кармавтоматнень. Ветяк прят вейкетьстэ весеме марто, эрьва кодамо тевсэ, кинь лангскак апак вано.22Иля капша баславамс киньгак кемикуронь прявтокс эли важодицякс сонзэ лангс кедеть путома вельде. Сестэ тон а кармат улеме лия ломанень пежетень теемасо. Ванстык эсь прят ваньксэкс.23Седе тов симть аволь ансяк ведь, симть аламонь-аламонь винаяк пекеть кисэ ды сеедьстэ берянь ёжомарямот кувалткак.

24Кой-кинь пежетест неявить уш нейке, ды сынь понгить судс икеле, лиятнень жо – панжовить мейле.25Истя эрси паро тевтнень мартояк: веенстнэ сельме икеле уш нейке, лиятне, конат а неявитькак, ялатеке а кекшевить.


предыдущая глава Глава 5 следующая глава