Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИМОФЕЙНЕНЬ ПАВОЛОНЬ ВАСЕНЦЕ СЁРМАЗО

Глава 4

Манчиця тонавтомат

1Оймеялтось чарькодевиксстэ корты: меельце шкатнестэ кой-кить потыть кемемадонть. Сынь кармить кунсоломо кенгелиця-манчиця оймеялтнэнь ды идемевстнень тонавтоматнень.2Неть тонавтоматне сыть-кемекставить кавто чачосо кенгелицятнень вельде, конатнень оймеёжост клеймазь-тешкстазь теке сыртезь кшнисэ.3Сынь а мерить урьвакстомс ды ярсамс кой-кона ярсамопельденть. Пазось жо теизе сонзэ сень кисэ: кадык сеть, кить кемить ды содасызь видечинть, ярсыть эйстэнзэ сюкпрянь ёвтазь.4Весе, мезенть теизе Пазось, паро, ды а эряви ёртомс мезеяк, зярдо сон саеви сюкпря марто,5секс мекс сон тееви иневаньксэкс Пазонть валсо ды озномасо.

Христос Иисусонь вадря важо

6Зярдо тон максат истят превспутомат кемиця ялгатненень, сестэ улят Иисус Христосонь вадря важокс, кона трязь-кастозь кемемань валсо ды паро тонавтомасо, конань мельга тон, Тимофей, туить.7Кирдевть ве ёно пазтомо ды аэрявикс побаскатнеде, ды пек бажак эрямо Пазонть мелензэ коряс.8Бажамось рунго виень кемекстамонтень лезэв аламосо, а вана Пазонь мелень коряс эрямось лезэв эрьва мейсэ. Сонзэ эйсэ ули алтамо неень ды икелепелень эрямодонть.9Неть валтнэ видеть ды эрявить путомс седейс.10Секскак минь, сиземань апак сода, важодтяно ды кирдтяно покордамот, эдь минь кемтяно-нежедтяно эриця Пазонть лангс, конась весе ломантнень Идицяст, ды васняяк кемицятнень.

11Вана тень кармавт ды истя тонавт.12Кадык кияк а ваны лангозот верде секс, мекс тон одат. Тон жо кемицятненень ульть невтевксэкс валсот, прянь ветямосот, вечкемасот, оймеялтсот, кемемасот ды ваньксчисэть.13Монь самс ютавт шкат кемицятненень Пазонь Сёрмадовксонть ловномасо, превс путомасо, тонавтомасо.14Иля стувтне Оймеялтонь казнеденть, конась максозель тонеть пазмарицянь валтнэнь коряс, зярдо кемикуронь прявтнэ путнизь кедест тонь лангс.15Тейть весементь тень седеень путозь ды покш мельсэ, ды сестэ весе несызь тонь теветь-изнявксот.16Вант эсеть эрямот мельга ды сень мельгаяк, мезес тонавтат. Седе товгак тейть истя, сестэ тон идесыть эсь пряткак ды эсеть кунсолыцятненьгак.


предыдущая глава Глава 4 следующая глава