Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ФЕССАЛОНИКА ОШОНЬ КЕМИКУРОНТЕНЬ ПАВОЛОНЬ ОМБОЦЕ СЁРМАЗО

Глава 1

1Павол, Силуан ды Тимофей кучить шумбракстнемат Фессалоника ошонь кемикуронтень, кона эри вейсэндязь минек Тетя Пазонть марто ды Иисус Христос Азоронть марто.2Улезэ тенк чансть ды седейоймамо минек Тетя Пазонть пельде ды Иисус Христос Азоронть пельде!

Пазось карми видестэ судямо

3Кемиця ялгат, миненек свал эряви ёвтамс сюкпря Пазонтень тынк кисэ. Те виде, секс мекс тынк кемемась седе пек касы ды касы, ды тынк вечкемась вейкенк-вейкенк туртов яла покшолгады-ламолгады.4Секскак минь минськак Пазонь кемикуротнень икеле шнатано прянок тынк эйсэ, цидярдоманк ды кемеманк эйсэ весе пансематнень ды лепштямотнень ютксо, конатнень тыненк савкшны кирдемс.5Те весе невти Пазонь виде судонть ды аноксты тынк Сонзэ Инязорксчинзэ туртов, конань кисэ тынь майсетядояк.

6Пазось виде: Сон пандсы пиштемасо сетненень, конат тыненк кандыть пиштема.7А вана тыненк, конатне течи кандыть пиштемат, Сон минек марто вейсэ максы оймамо се чистэнть, зярдо Иисус Азорось сы менельстэ Эсь виев ангелэнзэ марто8кирвиця тол потсо. Сестэ Сон пандсы чумонть сетненень, конатнень арась мелест содамс Пазонть ды конатне а кунсолыть-топавтыть Кенярксов кулянть минек Иисус Христос Азородонть.9Сыненст чумонь пандомакс карми улеме пингеде пингень ёмамо, лиякс, явома Азоронть эйстэ ды Сонзэ виензэ ды сияждыця инексчинзэ эйстэ.10Истя тееви се чистэнть, зярдо Сон сы ды ули шназь Эсензэ ломанензэ эйсэ ды инелгавтозь весе сетнень эйсэ, кить кемезевсть Тензэ. Сынст ютксо ультядо тыньгак, конат кемезевсть минек пачтявт кулянтень.11Секскак минь свал ознотано кисэнк: кадык Пазось тейтядызь тынк сатышкасто анокстазекс се эрямонтень, конанень тердидизь. Кадык топавтсынзе Эсь вийсэнзэ весе тынк бажамонк паронтень ды тевенк, конатне невтить кемеманк.12Истя тынь карматадо шнамо минек Иисус Христос Азоронть лемензэ, ды Сон карми шнамо тынк. Те тееви минек Пазонть ды Иисус Христос Азоронть чанстест коряс.


предыдущая глава Глава 1 следующая глава