Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ФЕССАЛОНИКА ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО

Глава 4

Пазонть мелензэ коряс эрямо

1Истя, кемиця ялгат, тынь тонадыде минек пельде, кода эрямс ды улемс Пазонтень мельспарокс. Христос Иисусонь лемсэ энялдтано тенк ды тердтяно эйсэнк: бажадо теньсэ касомс седе товгак.2Тынь жо содатадо, кодат кармавтомат минь максынек тенк Иисус Азоронть пельде.3Эдь Пазонь мелесь сеньсэ: алтавлинк тынь эсь прянк Сонензэ ды аволинк кая прянк усксевемас-ускурямос.4Эрьвась эйстэнк маштозо саеме эстензэ ни Пазонть мелензэ коряс ды паро койсэ.5Тень илядо тейне визькс мелень топавтомань кисэ, кода тейнить лия раськенсетне, конат а содасызь Пазонть.6Илядо арсеяк неть тевтнесэ покордамс кемиця ялганк-братонк эли саемс пельдензэ эстеть лезэ. Азорось пандсы чумонть весе тень кисэ, кода минь тыненк икеле уш ёвтакшнынек ды ламоксть кеместэ кортакшнынек.7Пазось тердимизь минек эрямс Сонензэ алтазь эрямосо, аволь аваньксчисэ.8Истямо ладсо, кие ёрты-кады неть превспутоматнень, се ёрты аволь ломаненть, а Пазонть, кона макссь миненек Иневанькс Оймеялтонзо.

9Кемиця ялганк вечкемадо сёрмадомскак тыненк а эряви, эдь Сонсь Пазось тонавтыдизь тынк вейкенк-вейкенк вечкеме.10Тынь истя тейнетядояк весе кемиця ялганк марто, конат эрить Македониясо. Кемиця ялгат, энялдтано тенк, бажадо касомс теньсэ седе товгак.11Ловодо питнейкс сэтьме эрямонть. Кадык эрьвась теи эсь тевензэ ды анды прянзо эсензэ кедьсэ важодезь, кода минь тыненк кортнинек-кармавтнинек.12Сестэ акемицятнеяк кармить ловомо тынк ды мейсэяк а карматадо содамо арасьчи.

Азоронть самозо

13Кемиця ялгат, монь ули мелем ёвтамс тенк сень, мезе карми улеме кулозтнень марто. Аволиде ризнэ-мелявто, кода лиятне, конатнень арась седейнежедьксэст.14Бути минь кемтяно Иисусонь куломантень ды вельмемантень, сестэ истя жо кемтяно: Пазось эрямос ветясынзе Иисус марто сетнень, кить кулость Сонензэ кемезь.15Эдь тень минь кортатано тыненк Азоронть валсо: минь, Азоронть самс эрицякс тезэнь кадовицятне, ялатеке а икельдясынек кулозтнень.16Зярдо каяты кармавтыця-тердиця серьгедемась ды архангелэнь вайгелесь ды зярдо зэрьксты Пазонь торамось, сестэ Сонсь Азорось валги менельстэ. Ды сеть, конат кулость Христоснэнь кемезь, вельмить васняяк.17Седе мейле минь, эрицякс тезэнь кадовозтне, ультяно саезь-салазь пель лангсо мартост вейсэ менелев Азоронть вастомо. Ды истя минь свал карматано улеме Азоронть марто.18Вана истя, кемекстадо вейкенк-вейкенк эйсэ неть валтнэсэ.


предыдущая глава Глава 4 следующая глава