Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ФЕССАЛОНИКА ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО

Глава 3

1Минек арасель виенек улемс седе тов явозь тынк эйстэ, секскак сынек мельс кадовомс Афинас ськамонок,2а тыненк кучинек Тимофеень, минек кемиця ялганок ды Пазонь важонть, кона минек марто теи вейсэнь тев, пачти Христосто Кенярксов кулянть. Сон виевгавттадызь тынк ды кемекстасы кемеманк.3Кадык кияк а кавтолдозеви неть лепштямотнеде. Эдь тынь тынськак содатадо: те минек уцясканок.4Зярдо минь ульнинек тынк кедьсэ, сестэ икелев ёвтакшнынек тенк: минек учить лепштямот-пиштемат. Истя теевськак, кода тынь содатадо.5Секс, зярдо монь маштсь вием кирдемс седе тов, сестэ мон кучия Тимофеень содамс-теемс тынк кемемадонк. Мон пелинь: паряк Снартневтицясь правтыдизь-пурдавтыдизь тынк виде ки лангсто ды минек стака важодемась теевсь стякокс.

Паро кулят

6Ней вана Тимофей ансяк велявтсь тынк кедьстэ миненек ды кандсь тенек паро кулят тынк кемемадонк ды вечкемадонк. Сон ёвтась сендеяк, кода тынь свал вансттадо минденек паро ледстнемат ды палтадо покш мельсэ неемс минек, кода миньгак тынк.7Кемиця ялгат, секскак весе минек стакачитнень ды лепштямотнень ютксо тынк кемемась оймавтымизь-кемекстымизь минек.8Эдь ней минь таго эрятано, бути тынь кеместэ аштетядо Азоронть марто вейсэндязь.9Кода миненек пачтямс валсо седейёжонь сюкпря Пазонтень тынк кисэ ды весе се кенярксонть кисэ, конаньсэ минь кецнетяно кисэнк минек Пазонть икеле?10Минь седейстэ лисиця мельсэ ознотано читькак, ветькак: максоволь тенек Пазось вастовомс мартонк ды топавтомс тынк кемеманть сеньсэ, мезесь а сатны эйсэнзэ.

11Кадык Сонсь Пазось, минек Тетясь, ды минек Иисус Христос Азорось панжсызь тенек кинть тыненк.12Кадык Азорось яла покшолгавтсы-ламолгавтсы тынк вечкеманть вейкенк-вейкенк туртов ды весе лиятнененьгак ды тейсы истямо вечкемакс, конаньсэ миньгак вечктядызь тынк.13Ды кадык Азорось кемекстатадызь тынк: улемс тыненк ачумондовицякс ды иневаньксэкс Пазонть, минек Тетянть, икеле се чистэнть, зярдо минек Иисус Христос Азорось сы весе Эсь ломанензэ марто. Аминь.


предыдущая глава Глава 3 следующая глава