Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЭФЕС ОШОНЬ КЕМИКУРОНТЕНЬ ПАВОЛОНЬ СЁРМАЗО

Глава 6

Эйкакшт ды тетят-ават

1Эйкакшт, кунсолодо тетянк-аванк, кода Азоронть мельга молицят, эдь те – виде.2«Ловт ломанькс тетять-авать», – вана те васенце истямо кармавтовксось, конань мельга моли алтамо:3«Сестэ карми улеме тонеть паро, ды кармат кувать эрямо моданть лангсо».4Тыньгак, тетят, илядо ацирьгавтне, илядо савтне кежест эсь эйкакшонк! Кастодо, трядо ды превс путодо сынст Азоронть мелензэ коряс.

Уреть ды азорот

5Уреть, ванькс седейсэ, мелень ванозь ды талнозь кунсолодо масторлангонь азоронк, кода Христосонь.6Истя тееде аволь невтемань кисэ ды аволь ансяк сельме икельга ломаннень савтомань кисэ. А вана кода Христосонь уреть весе седейсэнк топавтодо Пазонь меленть.7Важодеде покш мельсэ эсенк азоронк туртов, кода тынь важодевлиде Паз Азоронтень, аволь ломаннень.8Содадо: Азорось казтядызь эрьва паро тевенть кисэ, кие сонзэ аволизе тее, уре эли олячисэ ломань.9Тыньгак, азорот, эсь уренк марто тейнеде истя жо парсте, илядо сынст тандавтне. Кирдеде мельсэнк: менель лангсо тынккак ды сынсткак вейкине Азоронк, конась весень лови вейкетькс.

Тюреде зыянонть каршо!

10Ды меельцекс, кемиця ялган: кемекстадо прянк Азоронть марто вейсэндямосонть, Сонзэ вийсэнть, альмесэнть.11Оршынк ды саинк кедезэнк Пазонь казевть тюрема весе кедьёнкстнэнь, сестэ тынь кеместэ карматадо аштеме Идемевсенть ёжов арсематнень каршо.12Эдь минь тюртяно аволь ломантнень каршо, мекевланк, оймеялтонь апаро прявтнэнь ды азорксчитнень каршо, те чопода пингень ветицятнень ды менелень зыянов вийтнень каршо.13Секскак саинк Пазонь казевть тюрема весе кедьёнкстнэнь вана мекс: сатозо виенк раужо чистэнть аштемс сынст каршо, педе пес ютамс тюреманть ды цидярдомс.14Вана истя, аштеде апак шата, карксаводо видечисэ, теке каркссо, ды оршаводо чумовтомочисэ, теке кшнинь панарсо.15Кадык тынк карсемапелекс карми улеме анокчинк пачтямс ладямодо Кенярксов кулянть.16Свал кирдеде кемеманть, теке ванстома лазонть, конань эйсэ тынь мадстьсынк Апаронть весе палыця налтонзо.17Истя жо саинк идеманть, теке шлёмонть, ды Оймеялтонь максовт торонть, лиякс, Пазонь Валонть.

18Тень тееде эрьва кодамо озномасо ды энялдомасо. Свал ознодо, кода тынк терди-кармавты Оймеялтось. Секскак уледе эрязат ды апак лотксе энялдодо Пазонь весе ломантнень кисэ.19Монь коряскак ознодо: кадык Пазось максы монень эрявикс валт эрьваксть, зярдо мон ушодан кортамо. Ознодо: кадык мон апак пеле панжовлия Кенярксов кулянть салавачинзэ.20Те Кулянть кисэ мон улян Христосонь кучовтокс, натой, кшнинь рисьмесэ кершазьгак. Ознодо: кадык мон ёвтневлия сонзэ апак пеле, кода монень эрявияк.

Сюкпрянь ёвтамот

21Ули меленк содамс, кода мон эрян ды кода марян эсь прям? Весе тень ёвтнесы тенк Тикик. Сон монь вечкевикс кемиця ялгам ды Азоронтень кемевикс важодиця.22Мон кучса сонзэ тыненк самай те тевенть марто: ёвтнемс минек тевтнеде ды оймавтомс-кемекстамс седеенк.23Тетя Пазось ды Иисус Христос Азорось максост тыненк, кемиця ялгат, седейоймамо ды вечкема кемема марто!24Улезэ чанстесь весеме марто, кить свал палыця вечкемасо вечксызь минек Иисус Христос Азоронть! Аминь.


предыдущая глава Глава 6 следующая глава