Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОРИНФ ОШОНЬ КЕМИКУРОНТЕНЬ ПАВОЛОНЬ ОМБОЦЕ СЁРМАЗО

Глава 2

1Тень кувалт мон сынь мельс: кадык те монь самось тыненк таго а канды ризкс.2Эдь бути мон кандан тенк ризкс, сестэ кие монь кенярдовтсамам? Ансяк сеть, конатненень мон кандынь ризкс.3Ды вана мекс мон сёрмадыя тыненк се сёрманть: монь арась мелем самс тыненк ды коламс ёжомарямом самай сеть ломантнень кисэ, конатненень эряволь монь кенярдовтомс. Мон кеман: монь кенярксось – те весенень тыненккак кеняркс.4Мон сёрмадыя се сёрманть ине мелявксонь кувалт, покш седейсэредькс ды ламо сельведь марто. Монь арасель мелем кандомс тыненк ризкс. Мекевланк, мелем ульнесь максомс тенк чарькодема, кода мон тынк пек вечктядызь.

Пежетевень чумонь нолдамо

5Ды бути кияк кандсь ризкс, сестэ сон аволь ансяк монень кандызе, весе тыненккак, кадык аламошка, арась мелем тень покшолгавтнемс.6Се ломанентень уш саты чумонзо се пандомась, конань сон кирдизе-кандызе ламонь тынк пельде.7Ней тыненк, мекевланк, седе паро нолдамс чумонзо ды оймавтомс-кемекстамс сонзэ: илязо чаво прят-пильгть покш ризксэнть эйстэ.8Секскак, инеськеть, вешан пельденк: одс невтинк тензэ эсенк вечкеманк!9Эдь се сёрманть мон сёрмадыя тенк варчавтнеманк кисэ. Мон ульнесь мелем содамс: весемесэ тынь кунсолыцят эли аволь.10А вана кинь чумонзо тынь нолдасынк, сень чумонзо монгак нолдаса. Эдь зярдо мон нолдыя се чумонть – бути алкукс ульнесь мезе нолдамс, – мон нолдыя Христосонь чачонзо икеле тыненк паронь теемань кисэ,11аволимизь изня-маня Сатанась. Эдь минь содасынек сонзэ ёжов мелензэ-тевензэ!

Павол Троада ошсо

12Зярдо мон сынь Троадав Христосто Кенярксов кулянть пачтямо, сестэ мон неинь: Азорось монень тосо келес панжизе важодема кенкшенть.13Ялатеке монь оймем ульнесь а таркасонзо: тосто мон эзия муе Титэнь, монь ялганть. Секс мон простинь кемицятнень марто ды туинь Македония ёнксов.

Христос вельде изнямо

14Сюкпря Пазонтень, кона свал вети минек Христос марто изнямонь кияванть. Сон эрьва кува сравтни минек вельде Эсензэ эйстэ содамочинть, прок качадыця тантей чине ялткенть!15Минь ультянояк Христосонь тантей чине зэхелесь, кона кепети-моли Пазонтень. Те ялткесь качады-сравтневи кода идемань ки ланга ютыцятнень ютковаяк, истя жо ёмамонь ки лангсотнень ютковаяк.16Веенстнэнень, куломань киява молицятненень, минь – куломань чине, кона вети куломас, лиятненень минь – эрямонь тантей чине, кона максы эрямо. Ды кие маштови истямо покш тевень теицякс?!17Эдь минь аволь истят, конат микшнить Пазонь валонть эсест лезэс, кода тейнить ламот. Мекевланк, минь Пазонь кучовт ды ванькс седейсэ пачтятано сонзэ Пазонть сельмензэ икеле Христосонь вийсэ.


предыдущая глава Глава 2 следующая глава