Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОРИНФ ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО

Глава 9

Паволонь арсеманзо апостолтнэнь эрямодо-аштемадо

1Арази мон аволь олячисан? Арази мон аволь апостолан? Арази мон эзия нее Иисус Христосонь, минек Азоронть? Арази аволь мон эсь важодемасон тынк ветидизь Азоронтень?2Лиятненень мон, паряк, аволь апостолан, а тыненк – мон алкуксонь апостол. Эдь монь апостолксчинь кемекстамо тешксэсь – те тынь, Азоронть марто тынк эрямось.

3Вана мезть мон ёвтан эсь прям идеманть кисэ сетненень, кить монь кевкстнить-чумондыть:4Арази минек арась олянок ярсамс ды симемс эсь важодеманок вийсэ?5Арази арась олянок сайнемс мартонок якамо нинть теке кемиця сазоронть, кода тейнить лия апостолтнэ, Азоронть братнэяк ды Кефа.6Эли ансяк миненек Варнава марто эряви эстенек, кедьсэ важодезь, трямс прянок?7Кодамо сиведезь ушман тюри эсензэ ярмакто? Кодамо сокиця-видиця озавты винаумарькс пире, ды а карми ярсамо неть винаумартнеде? Кодамо ревень-сеянь ваныця а ярсы те стаданть ловсодо?8Мон тесэ кортан аволь ансяк ломанень эрямосто саезь невтевкс марто. Арази аволь текеде корты Коеськак?9Моисеень Койсэнть сёрмадозь: «Иляк пекста пивсыця буканть кургонзо». Арази теньсэ Пазось букадонть мелявты?10Арази тень сон кортась аволь минек кисэ! Нама, те истя минек кисэ сёрмадозь. Сокицяськак кадык соки, пивсыцяськак кадык пивсы, сюронь эсь таликанзо лангс кемезь.11Кенярксов кулянть вельде минь видинек тынк юткс оймеялтонь видьметь. Арази те вельть ламо, бути учотано эстенек пурнамс пельденк эрямонь кирдема лезкс?12Бути лиятненень максозь оля саемс пельденк лезкс, сестэ миненек сон максозь седеяк икеле.

Минь ялатеке те азорксчинть зярдояк тевс эзинек нолдтне. Мекевланк, минь анокт кандомс весементь: ансяк мезесэяк а пирямс Христосто Кенярксов кулянь пачтямонть.13Арази тынь а содатадо: Пазонь кудосо важодиця поптнэ андыть пряст Пазонь кудонть эйстэ? Зярдо сынь путыть алтаренть лангс казнеть-анокст, сестэяк ули оляст саемс талика путозенть эйстэ.14Азорось истя жо аравтызе: кить ёвтнить Кенярксов кулянть, тень эйсэ эрясткак.15Ансяк мон зярдояк те олянть тевс эзия нолдтне. Ды нейгак сёрмадан аволь эстень вешемань кисэ. Кадык мон седе курок кулан! Ансяк киненьгак а саеви эйстэнь те монь прянь шнамо тувталось!16Эдь бути мон ёвтнян Кенярксов кулянть, теньсэ мон прям шнамо а карман. Те тевенть топавтомо монь кармавтымим Пазось! Ризкс ули тень, бути а карман те кулянть ёвтнеме!17Бути эсь мелем коряс теевлинь тень, сестэ бу кемевлинь питнень пандома лангскак. А бути теян тевем аволь эсь мелем коряс, ялатеке мон топавтан монень максозь тевенть.18Сестэ мейсэ ашти монень питнень пандомась? Сеньсэ: мон ёвтнян Христосто Кенярксов кулянть питневтеме, ды а нолдтнян тевс эсь олям, кона монень максови, кода Кенярксов кулянь пачтицянень.

19Куш мон олячисан ды киненьгак аволь уре, мон ялатеке весенень теевинь урекс – Христоснэнь седе ламо ломантнень ветямга.20Еврейтненень мон ульнинь евреень кондямокс – сынст эсень мельга ветямга. Коень топавтыцятненень мон ульнинь Коень топавтыцянь кондямокс – эсень мельга Коень топавтыцятнень ветямга.21Истя жо сетненень, конатне а содасызь Коенть, монгак ульнинь Коень а содыцянь кондямокс – эсень мельга Коень асодыцятнень ветямга. Ансяк монсь ялатеке содаса Пазонь Коенть, секс мекс мон Христосонь Коенть ало.22Кемемасо лавшотненень монгак ульнинь лавшокс – эсень мельга лавшотнень ветямга. Весенень мон ульнинь весемекс вана мекс: эрьва кодамо ладсо куш зярыя ломанень идемга.23Весе тень мон теян Кенярксов кулянть ламонень пачтямонзо кисэ ды эстеньгак саемс сонзэ чанстенть-баславамонть.

24Тынь содатадо: чиемань пелькстамотнесэ ламо чийницят, ансяк вейкенень максови казне. Секскак, истя тыньгак чиеде пек эрязасто, казнень саемга!25Весе чийницятне-пелькстыцятне пек кеместэ анокстыть тенень пряст. Сынь тень теить курок пужиця-наксадыця каштазонть саеманзо кисэ. Минь жо тень тейтяно зярдояк а пужиця-наксадыця каштазонть саемга.26Секс мон чиянгак пенть неезь! Ды зярдо мокшнасо тюрянгак, аволь чаво коштонть чаван!27Мон эрьва кода кемелгавтан эсь рунгом, теян сонзэ весемесэ мелем кунсолыцякс сень кисэ: Пазось илямам ёрто ве ёнов монь, кие ёвтни лиятненень Кенярксов кулянть.


предыдущая глава Глава 9 следующая глава