Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОРИНФ ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО

Глава 5

Павол суди усксевема-ускурямо тевтнень

1Алкукс, молить кортамот: тынк ютксо эрсить истят ускурямонь-усксевемань тевть, кодат эзть марсеве мик виде Пазонь асодыцятнень ютксояк. Вейке цёра тынк ютксто эри-ашти эсензэ тетянзо од нинзэ марто.2А вана тынь яла покшкавтнетядо?! Арази тень коряс тыненк аволь эряво авардемс-мелявтомс ды панемс юткстонк те ломаненть, кона тейсь истямо амазы тев?3Кадык мон монсь аволь тынк марто, оймем ялатеке мартонк. Прок ютксонк улиця, мон минек Иисус Азоронть лемсэ уш судия те ломаненть, кона тейсь истямо амазы тев.4Зярдо тынь пурнавтадо вейсэ минек Иисус Христос Азоронть лемсэ ды монь оймесь ды минек Иисус Христос Азоронть виеськак улить мартонк,5сестэ максома те ломаненть Сатанантень: кадык ёмавтови сонзэ рунгозо, а вана сонзэ оймезэ идеви Иисус Христос Азоронть судонь чистэ.

6А эряви тенк шнамс пря! Арази тынь а содасынк те валмеревксэнть: «Аволь ламо чапавтомась сыргавтсы весе чапаксонть?»7Истя, ваньксстэ коцькеринк эйстэнк пежетень ташто чапавтоманть, сестэ тынь теевтядо од ванькс ламбамо чапаксокс. Истямокс тынь уш ультядояк, секс мекс минек Инечинь Вирезэсь, Сонсь Христос, уш печкезь минек кисэ.8Секскак карматано Инечинть тешкстамо ламбамсто панезь сюкоро марто – ванькс седей ды видечи марто, аволь ташто чапавтомасо сыргавтозь кши марто – пежеть ды кеж марто.

9Мон уш сёрмасо сёрмадынь тенк: илядо вейсэньгале усксевицятнень-ускурицятнень марто.10Тень мон сёрмадынь аволь неень масторлангонь весе истямо ломантнень коряс, конат усксевицят-ускурицят, вардонь сельметь, нельгицят-салыцят, аволь алкуксонь пазнэнь сюконицят. Бути сынст марто а вастневемс, сестэ тыненк саволь допрок кадомс те масторлангонть.11Мон кортан вана мезде: илядо вейсэньгале сетнень марто, кие ловови кемицякс, ансяк сонсь, ялатеке, усксевиця-ускуриця, вардонь сельме, аволь алкуксонь пазнэнь сюкониця, кенгелиця-нарьгиця, винадо симиця, нельгиця-салыця. Истятнэнь марто ве столь экшс ярсамояк илядо оза!12-13Нама, те аволь монь тевесь судямс сетненьгак, конат аволь кемикуросот. Сынст карми судямо Пазось. Тыненккак эряви судямс сетнень, конат эсенк кемикуросот. Сёрмадовкссояк ёвтазь: «Панинк юткстонк апаро ломаненть».


предыдущая глава Глава 5 следующая глава