Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

РИМ ОШОНЬ КЕМИКУРОНТЕНЬ ПАВОЛОНЬ СЁРМАЗО

Глава 16

Павол кучи сюкпрят Римень кемицятненень

1Ули мелем ёвтамс тенк зярыя паро валт минек Фива кемиця сазоронть эйстэ, Кенкреянь* кемикуронь лездыцядонть.2Вастынк сонзэ, кода тейнить Пазонь ломантне, прок Азоронть важонзо, ды максодо тензэ лезкс весемесэ, мезе тензэ эряви тынк пельде. Эдь сонськак лездакшнось ламонень, истя жо моненьгак.

3Сюкпря монь пельде Прискилланень ды Акиланень, конат важодить монь марто Христос Иисуснэнь.4Сынь анокт ульнесть монь идемам кисэ путомс-максомс эсь пряст. Мон аволь ськамон сюконян сыненст, истя жо сюконить тенст лия раськень весе кемикуротнеяк. Ёвтадо монь пельде сюкпря кемикуронтеньгак, кона пурнавкшны сынст кудосо.

5Сюкпря монь вечкевикс Эпенет ялгантень, кона Акайясо васенцекс кармась кемеме Христоснэнь.6Сюкпря Мариянень, кона ламо ды стакасто важодсь минек кисэ.7Сюкпря Андроникнень ды Юниянень, монь масторонь ломантненень, конат ульнесть монь марто пекстамо кудосо. Сынст парсте содасызь апостолтнэнь ютксо, ды Христоснэнь сынь кармасть кемеме мондень икеле.

8Ёвтадо сюкпря вечкевикс Амплиатнэнь, Азоронтень кемемань коряс монь малавикс ялгантень.9Сюкпря Урбаннэнь, кона важоди мартонок Христоснэнь, ды истя жо Стакис монь вечкевикс ялгантень.10Сюкпря Апеллеснэнь, кинь видечизэ Христоснэнь невтезь сонзэ тевтнесэ. Сюкпря Аристобулонь кудораськентень.11Сюкпря монь масторонь Иродионнэнь. Сюкпря Наркиссэнь кудораськестэ сетненень, конат кемить Азоронтень.

12Сюкпря монь пельде Трифена ды Трифоса аватненень, конат ламо важодсть Азоронть туртов. Сюкпря Персиданень, монь вечкевикс сазоронтень, кона ламо ды стакасто важодсь Азоронть туртов.13Истя жо сюкпря Руф ялгантень, Азоронь кочкавт важодицянтень, ды сонзэ аванстэнь, кона моненьгак тиринь авань кондямо.

14Сюкпря ёвтадо Асинкритнэнь, Флегоннэнь, Эрмийнэнь, Патровнень, Эрманень ды весе кемиця лия ялгатнененьгак, конат сынст марто.15Кучан сюкпря Филологнень ды Юлиянень, Нирейнень ды сонзэ сазоронстэнь, Олимпаннэнь ды Пазонь весе ломантненень, конат сынст марто.16Шумбракстнеде вейкенк-вейкенк марто Пазонь ломанень паламосо. Сюкпря тенк Христосонь весе кемицянь куротнень пельде.

Меельце превспутоматне

17Кемиця ялган, энялдан тенк, пеледе сетнеде, кить кирвазтить пелькстамонь-явомань мельть ды пирить тынк кемемань кинть. Сынь молить се тонавтоманть каршо, кона тыненк максозь. Кирдеведе эйстэст ве ёно.18Неть ломантне важодить эсест пекест кисэ, аволь минек Иисус Христос Азоронть кисэ. Сынь мазый ды соланя кельсэст манчить сетнень седеест, конат эрьва мезес кемить.19Весе содыть, кода парсте тынь максынк прянк кемемантень, ды те монь пек кецявты. Монь мелем: уледе паронь содыцякс ды зыянонь ачарькодицякс.20Ды Пазось, седейоймамонь лисьмапрясь, курок правтсы Сатананть тынк пильгенк алов. Минек Иисус Христос Азоронть чанстесь улезэ мартонк! Аминь.

21Сюкпря ёвты тенк Тимофей, кона важоди монь марто, ды монь масторонь ломантне Лукий, Ясон ды Сосипатра.22– Ды монгак, Тертий, кона сёрмадызе те сёрманть Паволонь ёвтнеманзо коряс, кучан тенк монсень христианонь сюкпря.23– Сюкпря ёвты тенк Гай, инжень вечкиця монь азорось, конань кудосо пурнавкшны весе кемицянь куроськак. Сюкпря ёвты тенк Эраст, ошонь ярмаконь ванстыцясь, ды минек кемиця ялгась Кварт.24Улезэ весеменк тынк марто минек Иисус Христос Азоронть чанстесь! Аминь.


предыдущая глава Глава 16 следующая глава